استانادا العاش وتكەن الەم چەمپيوناتىندا قازاق بالاسى توپ جاردى - فوتو
ناتيجەسىندە قازاق ەلىنىڭ نامىسىن قورعاعان جەرلەسىمىز دياس بيدجيەۆ باس جۇلدەنى جەڭىپ الدى. ال 2- ورىنعا رەسەيلىك ۆالەري كيشەنكو جايعاسسا، ۇزدىك ۇشتىككە ۋكراينالىق ميحايل گرەكوۆ قول جەتكىزدى. ستريت ۋوركاۋت سپورتى بەلتەمىر، قىرلى بورەنەلەر سىندى قاراپايىم سپورت قۇرالدارىندا ونەر كورسەتەتىن سپورت ءتۇرى. وندا سپورتشىلار قايتالانباس، جۇرت تامسانارلىق ونەرلەرىمەن جانكۇيەرلەرىن ءتانتى ەتتى.
ق ر تۇڭعىش پرەزيدەنتى كۇنى مەرەكەسىنە وراي ۇيىمداستىرىلعان شاراعا ا ق ش-تان وسى «كوشە جاتتىعۋلارىنىڭ» نەگىزىن قالاۋشى گەننيبال كينگ، ۋكراينادان دەنيس مينين ارنايى كەلدى.
سپورتتىڭ بۇل ءتۇرىن بىرەۋ بىلسە، بىرەۋ بىلە بەرمەيدى. سوندىقتان Street Workout سپورتى تۋرالى قىسقاشا توقتالىپ وتەيىك. سپورتتىڭ بۇل ءتۇرىنىڭ پايدا بولعانىنا كوپ ۋاقىت بولا قويعان جوق. العاش رەت قۇرلىقتىڭ ارعى بەتىندە امەريكا قۇراما شتاتتارىندا دۇنيەگە كەلدى.
تاريحى تىم تەرەڭدە بولماسا دا، اتالمىش سپورت ءتۇرى قىسقا عانا ۋاقىت ارالىعىندا ەلىمىزدە دە كەڭىنەن ەتەك الىپ، رەسمي تۇردە بۇقارالىق سپورت ءتۇرى بولىپ تانىلدى. سپورت تۇرىنە دەگەن جاستاردىڭ قىزىعۋشىلىعىنىڭ ارقاسىندا ارنايى فەدەراتسيا دا قۇرىلدى.
بۇل سپورت ءتۇرىنىڭ باستى ەرەكشەلىگى - اسا ءبىر شىعىندى تالاپ ەتپەيدى. كەز-كەلگەن ۋاقىتتا، كەز-كەلگەن سپورت الاڭدارىندا، ءتىپتى قالا ورتالىقتارىندا، كوشەلەردە، ساياباقتاردا دا شۇعىلدانا بەرۋگە بولادى. ءبىر سوزبەن ايتقاندا، وتە قولجەتىمدى سپورت ءتۇرى. تاعى ءبىر ەرەكشەلىگى - ءتاندى شىنىقتىرىپ، جاندى تىنىقتىرىپ قانا قويماي، قاتاڭ تارتىپكە باۋليدى، رۋحتى شىڭدايدى، جاڭا جەتىستىككە جىگەرلەندىرە وتىرىپ، بيىك ماقساتتارعا جەتەلەيدى. سونداي-اق ادامنىڭ ءوزىن-ءوزى جەتىلدىرۋىندە ايتارلىقتاي سەپتىگىن تيگىزەدى.
بۇگىنگى تاڭدا ەلىمىزدە سپورتتىڭ بۇل تۇرىمەن اينالىساتىن جاستاردىڭ قاتارى كۇننەن كۇنگە ارتىپ كەلەدى. مۇنداي الەمدىك سايىستىڭ قازاقستاندا ءوتۋى دە تەگىن ەمەس. بۇل ەلىمىزدە مەيلى، قاي سپورت ءتۇرى بولسا دا، اسا جوعارى قارقىنمەن دامىپ كەلە جاتقاندىعىنىڭ بەلگىسى.
شىندىعىندا، كەز-كەلگەن جاندى سالاۋاتتى ءومىر سالتىن ۇستانۋعا شاقىراتىن بۇل شارانىڭ ءمان-ماڭىزى زور.
ايتا كەتەلىك، ستريت ۆوركاۋتتان الەم بىرىنشىلىگىندە قازاق ەلىنىڭ اتىنان دياس بيدجيەۆ ونەر كورسەتتى.
شارانى قازاقستان رەسپۋبليكاسىنىڭ مادەنيەت جانە سپورت مينيسترلىگى، استانا قالاسىنىڭ اكىمدىگى، قازاقستان رەسپۋبليكاسىنىڭ «Street Workoot Street Lifting» فەدەراتسياسى، حالىقارالىق «Street Workoot Street Lifting» فەدەراتسياسى ۇيىمداستىردى.
كۇنسۇلتان وتارباي
