قازاقستان پرەزيدەنتى تۋرالى فيلم تۇركى حالىقتارىنىڭ الەمىنە ەسىك اشتى - ي. اگريگورايۋ
رۋمىنيانىڭ ۇلتتىق تەلەديدارىندا «National 24 Plus» فيلمنىڭ كورسەتىلۋىنەن كەيىن رۋمىن ساياسي تۇلعالارى مەن عىلىمي قايراتكەرلەرى قازاقستان رەسپۋبليكاسىنىڭ تۇڭعىش پرەزيدەنتى كۇنىنە وراي قۇتتىقتاۋلارىمەن شىقتى، دەپ حابارلايدى ق ر رۋمىنياداعى ەلشىلىگى.
اتاپ ايتقاندا، رۋمىنيا پارلامەنتىنىڭ سەناتى ءتوراعاسىنىڭ ورىنباسارى، ەنەرگەتيكا جانە كولىك كوميتەتىنىڭ ءتوراعاسى فلورين كونستانتينەسكۋ «شابىتتاندىرۋشى جانە وراسان زور قازاقستاننىڭ پرەزيدەنتى نۇرسۇلتان نازاربايەۆتىڭ قىزمەتىمەن تانىستىراتىن «تۇركى الەمىنىڭ تەگەۋرىندى تۇلعاسى» ايرىقشا دەرەكتى فيلمدى ءسۇيسىنىپ قارادىم» ، دەپ پايىمدادى.
«قازىرگى زامانعى قازاقستاننىڭ قۇرۋشىسى جانە تۇركى حالىقتارى بىرلىگى ساۋلەتشىسىنىڭ ءومىرى مەن تابىستارىنىڭ ءبارىن سىيدىراتىن دەرەكتى فيلمنىڭ كورسەتىلۋى رۋمىن حالقىنىڭ پرەزيدەنت نازاربايەۆ قىزمەتىنىڭ دۇنيەجۇزىلىك ماڭىزدىلىعىن جانە قازاقستانعا دەگەن ۇلكەن قۇرمەتتەۋىن كورسەتەدى»، دەدى ول.
رۋمىنيانىڭ پارلامەنتى سەناتىنىڭ ۇلتتىق قورعانىس كوميتەتىنىڭ حاتشىسى، سەناتور يونەل اگريگورايۋ ءوز سوزىندە «بۇل اسەرلى فيلم رۋمىن جۇرتشىلىعىنا بۇدان بۇرىن بەلگىسىز جانە قىزىقتى تۇركى حالىقتارىنىڭ الەمىنە ەسىك اشىپ، شابىتتى تۇلعاسى مەن تۇركى حالىقتارىنىڭ ۇلى كوشباسشىسى - قازاقستاننىڭ تۇڭعىش پرەزيدەنتى نۇرسۇلتان نازاربايەۆتىڭ كورەگەندىگىن اشىپ كورسەتتى»، - دەپ اتاپ ءوتتى.
ال ەۋروپالىق تۋريزم اكادەمياسىنىڭ ديرەكتورى، اكادەميك ميرچا كونستانتينەسكۋ ءوزىنىڭ سوزىندە «بۇل دەرەكتى فيلم كەڭەس وداعىنىڭ ىدىراۋىنان كەيىنگى كەزەڭگە كورەرمەندەردى الىپ كەلىپ، قازاقستاننىڭ پرەزيدەنتى نازاربايەۆ وزىنە تۇركى الەمىنىڭ قۇندىلىقتارى مەن مۇراتىن قايتا قالپىنا كەلتىرۋدە جەتەكشى ءرولىن الىپ، بۇرىنعى كەڭەس رەسپۋبليكاسىن حالىقارالىق قوعامداستىقتىڭ تولىققاندى مۇشەسى جانە ومىرگە بەيىمدى مەملەكەتكە اينالدىرعان بولاتىن»، - دەدى.
حالىقارالىق قاتىناستار جانە ەكونوميكالىق ىنتىماقتاستىق ينستيتۋتىنىڭ ديرەكتورى، پروفەسسور انتون كارادجا «قازاقستان رەسپۋبليكاسىنىڭ تۇڭعىش پرەزيدەنتى كۇنىن تويلاۋىنا بايلانىستى رۋمىنيانىڭ ۇلتتىق تەلەديدارىندا تۇركى الەمىنىڭ كوشباسشىسى تۋرالى دەرەكتى فيلمنىڭ كورسەتىلۋىنىڭ ماندىلىگىن» اتاپ ءوتتى.
