تەرروريستەر تەلەستۋديانى جارىپ جىبەرمەك بولدى
وپرا ۋينفريدىڭ تەلەستۋدياسىن جارىپ جىبەرۋدى ا ق ش-تىڭ يراك پەن اۋعانستانداعى اسكەري كامپانياسىنا نارازى ەكسترەميستەر ويلاستىرعان. لاڭكەستىك ارەكەتكە كەم دەگەندە التى ادام دايىندالعان. ولاردىڭ ەكەۋى قازىر جازا وتەۋ ورىندارىندا وتىر. بۇل ەكەۋنىڭ ءبىرى چيكاگو كوشەلەرىنە «يسلام مەملەكەتى» توبىنىڭ تۋى ىلىنگەن اۆتوكولىكپەن شىققان كەزدە ۇستالعان.
Judicial Watch قۇقىق قورعاۋ ۇيىمىنىڭ مالىمەتىنشە، قاسكويلەر وپرا ۋينفريدىڭ تەلەستۋدياسىنان بولەك قازىر ۋيلليس-تاۋەر اتالاتىن مۇنارانى دا جارىپ جىبەرمەك بولعان. بۇل عيمارات ءبىر كەزدەرى ا ق ش-تاعى ەڭ بيىك نىسان بولدى. تەرروريستەر چيكاگوعا جارىلعىش زاتتاردى فۋرگونمەن اكەلمەك بولعان، ءبىراق پوليتسيا ولاردىڭ تەرىس پيعىلدارىنىڭ جولىن كەستى.
وپرا ۋينفري چيكاگوداعى تەلەستۋديادا ءوزىنىڭ ايگىلى شوۋىن 1990-2011-جىلدار ارالىعىندا ءتۇسىردى. تەلەحابار ABC تەلەارناسىنان كورسەتىلەدى.
