باقتيار ارتايەۆ، يليا يلين جانە دەنيس تەن قازاقستاندىقتاردى تۇڭعىش پرەزيدەنت كۇنىمەن قۇتتىقتادى
«مەنىڭ زامانداستارىم بەيبىتشىلىك، بىرلىك جانە كەلىسىم ەلىندە ءوسىپ، ءومىر سۇرۋدە. بۇگىندە مۇنداي ساياسات الەمنىڭ بارلىق ەلىندە بىردەي بولىپ وتىرعان جوق. الەمدە تىنىشسىز جاعداي بولىپ تۇرعان كەزدە وسىنداي ءبىزدىڭ تاتۋ- ءتاتتى جانە گۇلدەنگەن ەل ءۇشىن نۇرسۇلتان ءابىش ۇلىنا راحمەت! بارلىق قازاقستاندىقتاردى قازاقستان رەسپۋبليكاسىنىڭ تۇڭعىش پرەزيدەنتى كۇنىمەن قۇتتىقتايمىن»، - دەپ جازدى ءوزىنىڭ Instagram-داعى پاراقشاسىندا ەلباسىمەن بىرگە تۇسكەن سۋرەتىنە تۇسىندىرمە جاساعان 2014 - جىلعى سوچيدە وتكەن وليمپيادالىق ويىنداردىڭ قولا جۇلدەگەرى، 2013 - جىلعى مانەرلەپ سىرعاناۋدان الەم چەميوناتى كۇمىس مەدالىنىڭ يەگەرى دەنيس تەن.
2004 - جىلعى افينىداعى وليمپيادا چەميونى بوكسشى باقتيار ارتايەۆ تا Facebook- تاعى ءوزىنىڭ پاراقشاسىنا تۇڭعىش پرەزيدەنت كۇنىنە وراي ءوزىنىڭ مەملەكەت باسشىسىمەن بىرگە تۇسكەن سۋرەتىن ورنالاستىرعان.
Instagram-داعى ءوز فان- كلۋبىنىڭ پاراقشاسىندا اۋىر اتلەتيكادان ەكى مارتە وليمپيادا چەمپيونى، ءتورت مارتە الەم چەمپيونى يليا يلين ەلباسىنىڭ اتىنا جانە بارلىق قازاقستاندىقتارعا قۇتتىقتاۋلارعا قوسىلدى.
