07:52, 02 - جەلتوقسان 2014 | GMT +6
ۇستازدىڭ قاڭقاسى - اناتوميا ساباعىنىڭ كورنەكتى قۇرالى
استانا. قازاقپارات - ومىردەن وزعان ۇستازعا تىنىشتىق جوق. قاي ۋاقىتتا دا شاكىرتتەرگە ءبىلىم بەرەم دەپ ارپالىسقان قايران ۇستازدىڭ قاڭقاسى 50 جىلدان بەرى مەكتەپ قابىرعاسىندا ساقتالىپ كەلەدى.
كوزى تىرىسىندە ۇستاز ءوز سۇيەگىن بۇل مەكەمەگە وسيەت ەتىپ قالدىرعان ەكەن. بۇگىن ونى مەكتەپ وقۋشىلارى اناتوميا ساباعىندا قولدانىپ وتىر.
قاڭقا مەكتەپ وقۋشىلارىن عانا ەمەس، ءتىپتى ءبىلىم بەرۋ مەكەمەسىنىڭ جالپى ۇجىمىنا دا شابىت بەرىپ، جىگەرلەندىرەدى ەكەن. ماماندار وعان ەرەكشە قۇرمەتپەن قاراپ، كۇندە ابايلاپ تازالاۋعا جانە ۇقىپتى ۇستاۋعا تىرىسادى.
ۆيولەتا بادەا، مەكتەپ ديرەكتورى:
- ساباقتا ادىستەمەلىك قۇرال جابدىقتار جەتىسپەگەندىكتەن، ءوز قاڭقاسىن وسيەت ەتىپ قالدىرعان. قازىر وقۋشىلار ساباققا ەرەكشە قىزىعۋشىلىق تانىتىپ وتىر. ونى 50 جىلدان بەرى ارامىزدا جۇرگەن سياقتى سەزىنەمىز. ماماندىعىنا جان- تانىمەن بەرىلگەن ادام ەشقاشان ۇمىتىلمايدى.
