الماتىداعى «بايقوڭىر» مەترو ستانساسىندا ق ر تۇڭعىش پرەزيدەنتى كۇنىنە ارنالعان مەرەكەلىك شارا ءوتتى - فوتو
«ەلباسىنىڭ كورەگەن ساياساتىنىڭ ارقاسىندا قازاقستاننىڭ الەۋمەتتىك- ەكونوميكالىق جاعدايى جىل ساناپ جاقسارىپ كەلەدى. ءار ادام وزىنە لايىقتى جۇمىس تاۋىپ، وتباسىن اسىراپ جاتىر.
ەلىمىزدە الەۋمەتتىك، وندىرىستىك نىساندار سالىنۋدا. جاڭا تۇرعىن ۇيلەر بوي كوتەرۋدە. ەلباسى نۇرسۇلتان نازاربايەۆ ەلىمىزدە حالىقتىڭ ءال- اۋقاتىن جاقسارتىپ، ۇلتارالىق تاتۋلىق ورناتۋ جولىندا قاجىرلى ەڭبەك ەتىپ كەلەدى. وسىنىڭ ارقاسىندا، قازاقستان الەمدىك قوعامداستىق اياسىندا وزىنە لايىقتى ورىن الدى. بۇل ۇلكەن ەڭبەكتىڭ ارقاسى. سوندىقتان، كەزىندە ق ر پارلامەنتىنىڭ سەناتى وسى مەرەكەنى بەكىتۋ تۋرالى ارنايى زاڭ قابىلداعان بولاتىن. ونداعى ماقسات - قازاقستاننىڭ تاۋەلسىز مەملەكەت بولىپ تولىققاندى قالىپتاسۋى جولىندا ەلباسىنىڭ سىڭىرگەن ەڭبەكتەرىن ۇمىتپاي، قاشاندا قۇرمەت تۇتۋ» - دەدى ءوز سوزىندە احمەتجان ەسىموۆ.
سونىمەن قاتار، قالا باسشىسى ەلباسىنىڭ تاپسىرماسىمەن الماتى قالاسىندا كوپتەگەن يگى شارالاردىڭ، جوبالاردىڭ جۇزەگە اسىپ جاتقاندىعىن جەتكىزدى. سونىڭ ءبىرى - الماتى مەتروپوليتەنى.
«بۇدان ءدال ءۇش جىل بۇرىن، 1 - جەلتوقسان كۇنى پرەزيدەنتىمىز الماتىعا كەلىپ، وسى الماتى مەتروپوليتەنىن اشىپ ەدى. العاشقى كەزدەرى جولاۋشىلار سانى كۇنى 13-14 مىڭ بولاتىن. ال قازىر جولاۋشىلاردىڭ سانى تاۋلىگىنە 24000 ادامنان اسىپ وتىر. مەترو قىزمەتىن قالا تۇرعىندارى اراسىندا تانىتۋ ءۇشىن كوپتەگەن ءىس- شارالار جۇزەگە اسىرىلۋدا. بۇگىن مىنە، قالا مەكتەپتەرىنىڭ باستاۋىش سىنىپ وقۋشىلارىنىڭ مەترو تاقىرىبى بويىنشا سالعان سۋرەتتەرىن تاماشالاپ جاتىرسىزدار. بۇل بايقاۋ دا مەترو قىزمەتىن ناسيحاتاتۋعا سەپتىگىن تيگىزەدى» - دەدى. ا. ەسىموۆ.
ايتا كەتەلىك، «بايقوڭىر» مەتروستانساسى حالىققا لىق تولدى. جينالعان جۇرتشىلىق قالالىق حالىق اسپاپتار وركەستىرىنىڭ ورىنداۋىنداعى كوڭىلدى كۇيلەردى تىڭداپ قانا قويماي، مەكتەپ وقۋشىلارىنىڭ مەتروستانسانىڭ قابىرعالارىنا ىلىنگەن سۋرەتتەردى دە تاماشالادى. مەرەكەلىك ءىس- شارا سوڭىندا بالالارعا الماتى مەتروپوليتەنىنىڭ 3 جىلدىعىنا وراي جاسالىنعان ۇلكەن مەرەكەلىك تورت ۇلەستىرىلدى.
