قازاق تەاتر ساحناسىنداعى باتىرلار بەينەسىن سومداعان اكتەر «نامىس» مەدالىمەن ماراپاتتالدى

استانا. قازاقپارات - ع. مۇسىرەپوۆ اتىنداعى قازاق مەملەكەتتىك اكادەميالىق بالالارمەن جاسوسپىرىمدەر تەاترى قازاقستاننىڭ تۇڭعىش پرەزيدەنتى كۇنىنە وراي مەرەكەلىك كەش وتكىزدى. سالتاناتتى كەشتە «قازاقستان ارداگەرلەرى» قاۋىمداستىعى ق ر ەڭبەك سىڭىرگەن قايراتكەرى، اكتەر ەرلان ءبىلالعا ب. مومىش ۇلى اتىنداعى «نامىس» مەدالىن تابىس ەتتى،

 دەپ حابارلادى تەاتر تۋرالى جازاتىن teatrlife.kz سايتى.

ەرلان ءابدىلدا ۇلىنا باۋىرجان مومىش ۇلى اتىنداعى وردەن - قازاق تەاتر ساحناسىنداعى باتىرلار بەينەسىن ساحنالاعانى ءۇشىن، ۇلتتىق كەيىپكەرلەردى بيىگىنە جەتىكىزىپ سومداعان تالانتتى اكتەرلىك شەبەرلىگى ءۇشىن تابىستالعان. ول قازاق ساحناسىندا م. اۋەزوۆتىڭ «قيلى زامان» دراماسىندا ۇزاق باتىر، د. يسابەكوۆتىڭ «جاۋجۇرەك» دراماسىنداعى بالۋان شولاق، يران- عايىپتىڭ «مەن ىشپەگەن ۋ بار ما؟ .. » قويىلىمىندا قۇنانباي رولدەرىن سومداعان اكتەر.

داڭقتى قولباسشى، حالىق باتىرى ب. مومىش ۇلى اتىندارعى بۇل سىيلىق بيىل ەكى اكتەرگە بەرىلدى. ەستەرىڭىزدە بولسا، وسى جىلدىڭ اقپان ايىندا «باۋىرجان مومىش ۇلى» فيلمىندەگى باستى ءرولدى ويناعان جاس اكتەر ەركەبۇلان دايىروۆ «نامىس» مەدالىمەن ماراپاتتالعان بولاتىن.

 قازاقستاننىڭ تۇڭعىش پرەزيدەنتى كۇنىنە ارنالعان كەشتە ءشابا ادەنقۇل قىزى، دالەل ۋاشيەۆ، نۇرمۇقاسان، «اعايىندىلار» توبى، چايكوۆسكي اتىنداعى الماتى مۋزىكالىق كوللەدجىنىڭ فولكلورلىق «جىگەر» جانە گيتاريستەر انسامبلدەرى، قازاق مەملەكەتتىك قىزدار پەداگوگيكالىق ۋنيۆەرسيتەتىنىڭ «توميريس» بي توبى، سونىمەن قاتار №4 وقۋشىلار ءۇيىنىڭ «ءمولدىر» بي ءانسامبلى ونەر كورسەتتى.

 ال، تەاتر ارتيستەرى تەاترلاندىرىلعان ساحنالىق قويىلىم، پوەزيالىق، ءان- بي كومپوزيتسياسىن ۇسىندى. سونداي- اق، تەاتر فويەدە «ادەمى- اي» ونەر ءۇيى ۇلتتىق، قول- ونەر بۇيىمدارىنىڭ كورمەسىن ۇيىمداستىردى.