قىتايدىڭ قارجى سالاسىنداعى جەتەكشى جۋرنالىندا «نۇرلى جول» تۋرالى ماقالا جاريالاندى
ماقالادا ن. نازاربايەۆتىڭ جەتەكشىلىگىمەن قازاقستان پوست كەڭەستىك ورتالىق ازيا ەلدەرى ىشىندەگى ەكونوميكالىق ءوسىمىن ساقتاپ قالعان ءبىرىنشى ەل ەكەنى جازىلعان.
وندا: «قازىرگى ۋاقىتتا بۇل ايماقتاعى ەكونوميكالىق ءوسىمنىڭ 70 پايىزى قازاقستان ۇلەسىندە» دەپ كورسەتىلگەن.
ق ر پرەزيدەنتى جولداۋىنىڭ ءمان- ماعىناسىن اشا ءتۇسۋ ماقساتىندا ماقالادا قىتاي قوعامدىق عىلىمدار اكادەمياسى رەسەي، شىعىس ەۋروپا، ورتالىق ازيا ينستيتۋتىنىڭ ورتالىق ازيا ءبولىمى باسشىسىنىڭ ورىنباسارى چجان نيننىڭ پىكىرى كەلتىرىلگەن.
وندا: «قازاقستان ءوندىرىس سالاسىن، ىشكى ترانسپورتتىق بايلانىستى، لوگيستيكانى، ەلەكترو جۇيە جانە باسقا دا ينفرقۇرىلىمداردى تەڭەستىرۋ قاجەت. ناتيجەسىندە، قازاقستان «قازاقستان-2050» ستراتەگياسىندا قويىلعان تالاپتاردى ورىنداپ، دامىعان 30 ەلدىڭ قاتارىنا ەنۋ مىندەتىن جۇزەگە اسىرا الادى»، - دەيدى چجان نين.
ەسكە سالا كەتەيىك، «ءساي جيڭ» جۋرنالى - قارجى، ەكونوميكا سالاسىنداعى ءىرى باسىلىمنىڭ ءبىرى، ول 1998 - جىلدان بەرى شىعىپ كەلەدى. رەداكسياسى بەيجىڭ قالاسىندا. باسىلىمنىڭ تيراجى 400 مىڭ دانا، ايىنا ەكى رەت شىعادى.
«The Wall Street Journal» جۋرنالى «ءساي جيڭ» قىتايدا باستى «قارجى ساراپشىسى» دەپ باعالاعان. 2011 - جىلى №1 مەديا قۇرىلىم دەپ تانىلعان. باسىلىمنىڭ سايتىن كۇنىنە 200 مىڭ وقىرمان وقيدى.
