15:40, 02 - جەلتوقسان 2014 | GMT +5
سەمەيدە كولىگىن جوندەپ جاتقان ەر ادام ورتەنىپ كەتتى
وسكەمەن. قازاقپارات - سەمەي قالاسىنداعى جانگەلدين كوشەسىندە جەكە كاسىپكەر ورنالاسقان ەكى قاباتتى بوكستا گاز 3307 جۇك كولىگىن جوندەپ جاتقان 1983 - جىلى تۋعان ەر ادام قازا تاپتى.
ول كولىكتىڭ قوسالقى بولشەكتەرىن ديزەلدىك وتىندا جۋعان ساتىندە ولاردى ديزەلدىك ەلەكترجىلۋلىق زەڭبىرەكتىڭ قاسىندا جىلىتقان. كەنەت وتىن جانىپ، تەز ارادا ونىڭ ۇستىندەگى كيىمدەرىنە تاراعان. ەر ادام شالعان كۇيىكتەردىڭ سالدارىنان وقيعا ورنىندا جان تاپسىردى.
ءورت بويىنشا ەكى نۇسقا قاراستىرىلۋدا: وتتى ابايسىز قولدانۋ نەمەسە ەلەكتر توعى ارقىلى ەلەكتر جىلىتۋ قۇرالدارىن پايدالانۋ كەزىندە قاۋىپسىزدىك شارالارىن ساقتاماۋ. وقيعا ورنىنا ءورت ءسوندىرۋ قىزمەتىنىڭ كۇشتەرى شاقىرىلعان جوق، دەپ حابارلادى ش ق و-نىڭ ت ج د-ىنەن.
