ق ر تۇڭعىش پرەزيدەنتى كۇنى قارساڭىندا بەيجىڭدە فوتوكورمە اشىلدى - فوتو

بەيجىڭ. قازاقپارات - قازاقستان رەسپۋبليكاسىنىڭ تۇڭعىش پرەزيدەنتى كۇنى قارساڭىندا ق ح ر- داعى ق ر ەلشىلىگى «جينتاي» بەيجىڭ كوركەمونەر مۇراجايىمەن بىرلەسىپ، بەيجىڭ ۋنيۆەرسيتەتىنىڭ ستۋدەنتتەرى مەن وقىتۋشىلارىنا فوتوكورمە مەن «تاريح ساباقتارى» دەرەكتى فيلمىنىڭ كورسەتىلىمىن ۇيىمداستىردى.

اۋا رايىنىڭ قولايسىزدىعىنا قاراماستان، «چاويان» ساياباعىنداعى «جينتاي» مۇراجايىنا ديپلوماتيالىق وكىلدىك قىزمەتكەرلەرىن قوسپاعاندا 150 دەن استام قوناق كەلدى.

فوتوكورمە مەن فيلمدى تاماشالاپ بولعان قوناقتارعا ق ر پرەزيدەنتى نۇرسۇلتان نازاربايەۆ تۋرالى كىتاپتار تاراتىلىپ، فۋرشەت ۇيىمداستىرىلدى.

شاراعا قاتىسۋشىلار الدىندا ق ح ر-داعى ق ر ەلشىلىگىنىڭ كەڭەسشىسى مارعۇلان كۇزەكبايەۆ ءسوز سويلەدى.

ق ح ر- داعى قازاقپارات ءتىلشىسى سادىق اكىجانوۆ ۇيىمداستىرىلعان شارا تۋرالى كورەرمەن پىكىرىن ءبىلدى.

بەيجىڭ ۋنيۆەرسيتەتىنىڭ ستۋدەنتى جوۋ حۋەيپين: «قازاقستان تۋرالى كوپ بىلمەيمىن. سىزدەردىڭ ەلدەرىڭىز - شاڭحاي ىنتىماقتاستىق ۇيىمىنا مۇشە مەملەكەتتەردىڭ ءبىرى. سونداي-اق، قىتايدىڭ ماڭىزدى سەرىكتەسى جانە كورشىسى. پرەزيدەنتتەرىڭىزدىڭ قازاقستانعا ەڭبەگى كوپ دەپ ويلايمىن».

ۋ سيان، بەيجىڭ ۋنيۆەرسيتەتىنىڭ حالىقارالىق زەرتتەۋلەر مەكتەبىنىڭ دەكانى، پروفەسسور: «مەن ءۇشىن فيلم قىزىقتى بولدى. قازاقستان الدىندا تۋىنداعان ءتۇرلى قيىندىقتاردى جانە ەلدىڭ ودان سۇرىنبەي وتكەنىن بايقادىم. ن. نازاربايەۆتى قاتتى سىيلايمىن. ويتكەنى، ول ەلدى حالىقارالىق قاۋىمداستىقتاعى كورنەكتى ورىنداردىڭ بىرىنە كوتەردى. ول قازىرگى زامانداعى ەڭ دانا مەملەكەت باسشىلارىنىڭ ءبىرى دەپ ەسەپتەيمىن».