استانادا كەرەي مەن جانىبەك حانداردان باستاپ، تاۋەلسىزدىككە دەيىنگى ءىرى وقيعالار سۋرەتتەلگەن ادەبي- سازدى كەش وتەدى
دەپ حابارلادى اتالعان باسقارمانىڭ باسپا ءسوز قىزمەتىنەن.
شارانىڭ باستى ماقساتى - تاۋەلسىزدىك قۇندىلىقتارىن ۇلىقتاۋ، وسكەلەڭ ۇرپاقتى وتانسۇيگىشتىككە، ەلجاندىلىققا باۋلۋ، مەملەكەتتىك ءتىلدىڭ قولدانىس اياسىن كەڭەيتۋ جانە ءتىل مارتەبەسىن كوتەرۋ، مەرەيىن ارتتىرۋ.
ادەبي- سازدى كەشتە كەرەي مەن جانىبەك حاندار تۇسىنداعى قازاق مەملەكەتىنىڭ قۇرىلعان ۋاقىتىنان باستاپ، تاۋەلسىزدىك العان كۇنگە دەيىنگى قازاق حالقىنىڭ باسىنان كەشكەن ءىرى وقيعالارى، ابايدىڭ ۇلاعاتتى سوزدەرى وقىلىپ، الاش قايراتكەرلەرى تۋرالى كورىنىستەر قويىلادى. ونى ق. قۋانىشبايەۆ اتىنداعى مەملەكەتتىك اكادەميالىق قازاق مۋزىكالىق داراما تەاترى ارتىستەرى ساحنالايدى.
«اتالعان شاراعا قازاقستان رەسپۋبليكاسى پارلامەنتى ءماجىلىسىنىڭ جانە قالالىق ءماسليحات دەپۋتاتتارى، جەرگىلىكتى مەملەكەتتىك ورگان باسشىلارى، زيالى قاۋىم وكىلدەرى، ءتىل جاناشىرلارى مەن قالا تۇرعىندارى شاقىرىلىپ وتىر»، دەلىنگەن حابارلامادا.
