شەنەۋنىكتەر نازاربايەۆتىڭ ەرەكشە سۋرەتتەرىن تاماشالاۋعا كەلدى

استانا. قازاقپارات - بەيمالىم نازاربايەۆتىڭ قۇپياسىن اشقان كورمە.

استانادا مەملەكەت باسشىسىنىڭ وسى كەزگە دەيىن ەش جەردە كورسەتىلمەگەن كارتينالارى مەن فوتوسۋرەتتەرى تۇڭعىش رەت كوپشىلىكتىڭ نازارىنا ۇسىنىلدى.

بۇل تۋرالى ktk ارناسى حابارلايدى.

"ەل قولداعان ەلباسى" دەپ اتالعان كورمەدەن، پرەزيدەنتتىڭ حالىقپەن، جۇمىس بابىندا، دەمالىستا، وتباسىمەن تۇسكەن سۋرەتتەرىن كورۋگە بولادى. تۋىندىلاردىڭ بارلىعى نۇرسۇلتان نازاربايەۆتىڭ تۇلعاسىن باسقا قىرىنان اشىپ كورسەتەدى.

ەلباسىنىڭ بۇرىن-سوڭدى بەيمالىم بولىپ كەلگەن كارتينالارى مەن فوتولارىن كورۋگە قاراپايىم كورەرمەن بىلاي تۇرسىن، شەنەۋنىكتەردىڭ ءوزى كوپ جينالدى. دەپۋتاتتار ءتىپتى ۆيتسە-پرەمەر ساپاربايەۆقا دەيىن وسىندا. ارالارىندا شەتەلدىك قوناقتار دا از ەمەس. ءبارى دە ونەر قايراتكەرلەرىنىڭ ەلباسى بەينەسىن قالاي ەلەستەتەتىنىن كورۋگە اسىق.

"ەڭ باستىسى، ەلباسىنىڭ كەرەمەت وبرازىن ىزدەپ تاپقانىندا. ول ءبىزدىڭ ەلىمىزدىڭ باسقا دا ونەر قايراتكەرلەرىنىڭ ەلباسىنا دەگەن قۇرمەتى. ول دەگەنىڭ وتە جوعارى باعا. بۇكىل قازاقستاندىقتار، ولاردىڭ ىشىندە جاستارعا ءبىر ەرەكشە سەزىم بەرەتىنى ول ءسوزسىز"، - دەدى مادەنيەت جانە سپورت ءمينيسترى ارىستانبەك مۇحامەدي ۇلى.

ەلباسىنىڭ ەل بىلمەيتىن قىرلارىن كورۋگە كەلگەن جۇرت شىنىمەن-اق ەرەكشە تۋىندىلارعا قارىق بولدى. قازاق ەلىنىڭ باسشىسى ءبىر جەردە تانكيست، ءبىر جەردە سپورتشى، ەندى بىردە بوز جورعانى تاقىمداپ، اتا كاسىبىن ۇمىتپاعان قاراپايىم قازاق.

اسىرەسە، نۇرسۇلتان نازاربايەۆتىڭ اكە-شەشەسىمەن قوسا بەينەلەنگەن كارتينالارى كورەرمەندەردىڭ نازارىن ەرەكشە اۋداردى.

"وتباسى" دەپ اتالاتىن بەلگىلى سۋرەتشى وسپاناليەۆتىڭ كارتيناسىندا ەلباسى ەل باسقارعان پرەزيدەنت ەمەس، ءابىش اقساقال مەن ءالجان اناسىنىڭ قاراپايىم بالاسى عانا. ايگىلى بوكسشى دانيا ەلەۋسىنوۆتى تاڭقالدىرعان دا وسى كارتينا بولاتىن.

"اكە-شەشەسىمەن تۇسكەن سۋرەتتەرىن كورمەگەن ەكەنمىن. ءوزى قازاقتىڭ قاراپايىم ادامى ەكەنىن وسىندايدان بايقاۋعا بولادى ەكەن. مەن پرەزيدەنتتى ءوزىمنىڭ قولىمنان العان كەزى دە بولاتىن. ءاردايىم تەلەديداردان كورەمىز عوي. ءبىراق، وسىنداي سۋرەتتەندەن وسىنداي كۇيىن، ءتۇرىن كورمەپپىن، بۇعان دەيىن"، - دەپ تاڭ قالدى بوكستان الەم چەمپيونى دانيار ەلەۋسىنوۆ.

جالپى كورمەدە پرەزيدەنتتى سان قىرىنان تانىتقان 60 قا تارتا تۋىندى قويىلعان. ونىڭ ءبارىن وتاندىق جانە شەتەلدىك اتاقتى كاسىبي سۋرەتشىلەر قالعان. بۇل ەكسكليۋزيۆتى ونەر تۋىندىلارىن كورەرمەن 7-جەلتوقسانعا دەيىن تاماشالاي الادى.

 NUR. KZ