قازاق قىزى ماسكەۋدەگى «ۇلكەن وپەرا» بايقاۋىندا جەڭىپ شىقتى
سالتانات احمەتوۆا كوكشەتاۋداعى ءبىرجان سال اتىنداعى مۋزىكا كوللەدجىنىڭ "ءان ايتۋ" ءبولىمىن جانە قازاق ۇلتتىق مۋزىكا اكادەمياسىن "جەكە ءان ايتۋ" ماماندىعى بويىنشا ءتامامداعان. ول يتالياداعى ۆوكال ونەرى اكادەمياسىندا ءىس-تاجىريبەدەن ءوتتى. 2013 - جىلدان بەرى "استانا وپەرا" تەاترىنىڭ وپەرا ترۋپپاسىندا ستاجەر سوليست بولىپ جۇمىس ىستەپ ءجۇر.
قازاقستان وپەراسىنىڭ جاس جۇلدىزى بۇعان دەيىن بىرنەشە رەت رەسپۋبليكالىق بايقاۋدا جانە بيبىگۇل تولەگەنوۆا، گلينكا اتىنداعى، سونىمەن بىرگە، يتالياداعى Villaincanto اتالاتىن حالىقارالىق كونكۋرستاردا جەڭىمپاز اتانعان. بىلتىر ول گەرمانيادا Neue Stimmen حالىقارالىق بايقاۋىندا Klassik-Herbst Forderpreis ارنايى جۇلدەسىن جەڭىپ الدى. ماسكەۋ كونسەرۆاتورياسىندا سالتاناتتىڭ ونەرىنە كوپشىلىك ايرىقشا قوشەمەت كورسەتتى.
Tengrinews.kz
