09:30, 30 - قاراشا 2014 | GMT +6
الماتى زووباعىندا تۇڭعىش رەت الەمدىك پىلدەر كۇنى اتالىپ ءوتتى - فوتو
الماتى. قازاقپارات - الماتى زووباعىندا تۇڭعىش رەت الەمدىك پىلدەر كۇنى اتالىپ ءوتتى.
حايۋاناتتار باعىندا ەكى ازيالىق ءپىل لاۋ مەن ارۋ مەكەن ەتۋدە. ولار جيىرما جىل بۇرىن لاوس ەلىنەن اكەلىنگەن بولاتىن.
بۇگىن زووباق قىزمەتكەرلەرى بانان، الما، پياز، ورامجاپىراق، كارتوپ، سابىزدەن جاسالعان الىپ كوكونىس تورتىن ازىرلەدى.
"پىلدەرىمىز ەرەكشە توسىنسىيعا وتە ريزا. بۇگىن كەلۋشىلەر الىپ جانۋارلار مەن دجامبو بەگەموتىن تاماقتاندىرىپ كوردى"، - دەدى زووباقتىڭ باسپا ءسوز حاتشىسى ميحايل سوروكوۋموۆ.
الەمدىك پىلدەر كۇنى 30 - قاراشادا اتالىپ وتىلەدى. ونى قۇرلىقتىڭ الىپ جانۋارلارىنىڭ سانى ازايىپ بارا جاتقانىنا الاڭداعان ەكولوگ ماماندار تاعايىنداعان.
