ۇيقىسىزدىقتىڭ ۇزاققا سوزىلۋى - ادامنىڭ جانىن كۇيزەلتىپ، ءتۇبى ولىمگە اپارادى - عىلىمي زەرتتەۋ

استانا. قازاقپارات - ا ق ش- تىڭ اريزونا ۋنيۆەرسيتەتى عالىمدارى ۇيقىسىزدىق ۇزاق جىلدارعا سوزىلسا، وتە زيان دەگەن تۇجىرىم جاساپ وتىر.

ادام مەزگىلىندە دۇرىس ۇيىقتاي الماسا جانە ول بىرنەشە جىلعا سوزىلسا، قانت ديابەتى، ارتىق سالماق، وبىر، اقىل كەمىستىگى جانە كۇيزەلىس سەكىلدى اۋرۋلاردى اسقىنىدىرىپ جىبەرەدى، دەپ جازادى مەديتسينالىق The Daily Mail.

ۇيقىسىزدىق - بۇل ۇيقىنىڭ بۇزىلۋى. سوزىلمالى ۇيقىسىزدىق ءۇش ايعا دەيىن سوزىلادى. ا ق ش عالىمدارى 1973 - جىلى باستاپ، 40 جىلعا جالعاسقان زەرتتەۋ جۇمىستارىنىڭ مالىمەتتەرىن ۇسىندى. ولار ۇيقىسىزدىق اۋرۋى ادامنىڭ جانىن كۇيزەلتىپ، ءتۇبى ولىمگە اپارادى، ويتكەنى، ۇيىقتاي المايتىن ادامدا قاننىڭ قابىنۋى پايدا بولادى دەگەن تۇجىرىمعا كەلدى.

ۇيقىسىزدىقتان زارداپ شەككەن زەرتتەۋ جۇمىسىنا قاتىسۋشىلار جۇرەك-قان تامىر جانە تىنىس الۋ ورگاندارى اۋرۋلارىنان قازا تاپقان.