ق ر پرەزيدەنتى ن. نازاربايەۆ تۇركىمەنستاننىڭ ەل اعاسى اتاعىنا يە بولدى
ارنايى ءتوس بەلگىنى وعان ەكى جاقتى كەلىسسوزدەر قورىتىندىسى بويىنشا باسپا ءسوز قىزمەتكەرلەرىنە ارنالعان بىرلەسكەن مالىمدەمە كەزىندە تۇركىمەنستان پرەزيدەنتى گۋربانگۋلى بەردىمۇحامەدوۆ تابىس ەتتى. ول سونىمەن بىرگە مەملەكەت باسشىسىنىڭ يىعىنا تۇركىمەن شاپانىن جاپتى.
ءوز كەزەگىندە نۇرسۇلتان نازاربايەۆ ريزاشىلىعىن ايتىپ، تۇركىمەن تاراپىنا وسىنداي جىلى شىرايى مەن سىي-قۇرمەتىنە العىسىن ءبىلدىردى.
«مۇنى قازاقستان حالقىنا باۋىرلاستىڭ قۇرمەت كورسەتۋى دەپ ەسەپتەيمىن»، - دەدى ن. نازاربايەۆ. سونداي-اق ەلباسى كورشىلىك قاتىناستاردىڭ ارى قاراي داميتىنىنا سەنىم ءبىلدىردى.
ن. نازاربايەۆ سونىمەن بىرگە «جامان تۋىستان جاقسى كورشى ارتىق»، - دەگەن حالىق دانالىعىن ەسكە سالدى.
سوڭىندا تۇركىمەنستان پرەزيدەنتى ق ر پرەزيدەنتىنە ەكى جاقتى ىنتىماقتاستىقتى دامىتۋ جولىندا قوسقان ۇلەسى ءۇشىن العىسىن ءبىلدىردى.
