ەلىن سۇيگەن ەلباسى

استانا. قازاقپارات - وسىنداي تاقىرىپپەن قازاقستان رەسپۋبليكاسىنىڭ تۇڭعىش پرەزيدەنتى كۇنى مەرەكەسىنە وراي «ازىرەت سۇلتان» مەملەكەتتىك تاريحي-مادەني قورىق-مۇراجايى» رەسپۋبليكالىق مەملەكەتتىك مەكەمەسىندە ارنايى كورمە اشىلدى.

كورمەگە جۇزدەن استام جادىگەر قويىلعان. مۇنىڭ بارلىعى دا ەلباسىمىز نۇرسۇلتان ءابىش ۇلى نازاربايەۆتىڭ قاسيەتتى تۇركىستانعا جانە قوجا احمەت ياساۋي كەسەنەسىنە كەلگەن ساپارلارىنا بايلانىستى سىر شەرتەدى.

ەلباسىمىز كيەلى كەسەنەگە كەلگەن سايىن باعالى سىيلىق بەرۋدى داستۇرگە اينالدىرعان. پرەزيدەنت سىيلاعان سونداي باعالى سىيلىقتاردىڭ ءبىرى -  التىنمەن بەزەندىرىلگەن قاسيەتتى قۇران كارىم كىتابى كورمە تورىنەن ورىن العان.

كورمە «ازىرەت سۇلتان» مەملەكەتتىك تاريحي-مادەني قورىق-مۇراجايى» ر م م- نە قاراستى «تۇركىستان تاريحى» مۇراجايىندا 28- قاراشادان 28- جەلتوقسانعا دەيىن جۇمىس ىستەيدى.

Baq.kz