ق ر تۇڭعىش پرەزيدەنتى تۋرالى «تىعىرىقتان جول تاپقان» اتتى فيلمىنىڭ كورسەتىلىمى باستالادى - كەسكىن

استانا. قازاقپارات - ق ر مادەنيەت جانە سپورت مينيسترلىگىنىڭ تاپسىرىسىمەن شاكەن ايمانوۆ اتىنداعى قازاق فيلم كينوستۋدياسىنىڭ تۇسىرىلۋىمەن «ەلباسى جولى» كينو ەپوپەياسىنىڭ ءتورتىنشى ءبولىمى «تىعىرىقتان جول تاپقان» اتتى فيلمىنىڭ تۇساۋكەسەر ءراسىمى ءوتتى.

 قازاقستان پرەزيدەنتى نۇرسۇلتان نازاربايەۆتىڭ 1970- جىلدارداعى ەڭبەك جولى، ساياساتقا ەندى عانا قادام باسقان ءساتى سۋرەتتەلەتىن تارتىسقا تولى فيلمنىڭ رەجيسسەرى رۇستەم ابدىراشيەۆ.

 «تاريحتى وزەگى مىقتى جاندار قالايتىنى راس. قازاقستان پرەزيدەنتى, ۇلت كوشباسشىسى نۇرسۇلتان نازاربايەۆتىڭ سان قىرلى ەڭبەك جولى بارلىق قازاقستاندىقتارعا ۇلگى بولا الادى»، - دەيدى ق ر مادەنيەت جانە سپورت ۆيسە- ءمينيسترى عالىم احمەدياروۆ ورتالىق كوممۋنيكاتسيالار قىزمەتىندە وتكەن باسپا ءسوز ءماسليحاتىندا.

 ونىڭ ايتۋىنشا، 1- جەلتوقساندا اتالمىش كينوجوبا ق ر پرەزيدەنتىنە كورسەتىلمەك.

 «بۇگىن 16:00-دە «قازاقستان» ورتالىق كونسەرت زالىندا ءبىز فيلمنىڭ پرەمەراسىن ەلباسىعا ۇسىنامىز. 4 - جەلتوقساندا قازاقستاننىڭ 25 قالاسىندا 50 كينوتەاتردا فيلم كوپشىلىككە تارتۋ ەتىلەدى. 2011 - جىلدان بەرى «ەلباسى جولى» كينو ەپوپەياسى ءتۇسىرىلىپ كەلە جاتىر. بۇل جوبا تەك ءبىزدىڭ ەلدە عانا ەمەس، الەمنىڭ 20 دان استام ەلدەرىندە وتكەن قازاقستان مادەنيەتى مەن كينوسى كۇندەرىندە دە ۇلكەن قولداۋعا يە بولدى»، - دەپ اتاپ ءوتتى ۆيسە- مينيستر.

 ەسكە سالا كەتەيىك، بۇنىڭ الدىندا كينو ەپوپەياعا «بالالىق شاعىمنىڭ اسپانى» (2011) ، «وتتى وزەن» جانە «تەمىر تاۋ» (2013) ەنگەن بولاتىن.

 «تىعىرىقتان جول تاپقان» فيلمى 2014 - جىلى اقپان ايىندا باستالدى. كينوعا قازاقستاندىق اكتەرلەرمەن بىرگە ۆالەنتين گافت، ەۆگەني سيديحين، ۆلاديمير ستەكلوۆ، ەۆگەنيي ستىچكين، ۆيكتور سۋحورۋكوۆ سىندى رەسەيلىك اكتەرلەر ەندى. ەلباسىنىڭ بەينەسىن قازاقستاندىق اكتەر نۇرلان ءالىمجانوۆ سومدادى.

 اۆتور: جاسۇلان جولدىبايەۆ