قازاقستاندىقتار قىرعىزستاندىق دارىگەرلەرگە گەنەراتور ساتىپ الىپ بەردى
ءدال وسى ورتالىقتا 2014 قازان ايىندا جۇرەككە جاسالعان داۋلى وپەرتسيا بولعان ەدى. وپەراتسيا بارىسىندا ەلەكتر جارىعى ءسونىپ، دارىگەرلەر ۇيالى تەلەفوننىڭ جارىعى ارقىلى وپەراتسيانى سوڭىنا دەيىن جەتكىزگەن. گەنەراتورعا اقشا جيناپ بەرۋ تۋرالى ۇسىنىستى قايىرىمدىلىق قورىنىڭ كوورديناتورى ادىلەت ساتكەيەۆ باستاعان. ول الەۋمەتتىك جەلىلەر ارقىلى مۇنداي جاعدايعا بەي-جاي قارامايتىن ادامدارعا ءوز ۇسىنىسىن ايتقان.
قارجىنىڭ باسىم بولىگىن قىرعىزستاندىق دارىگەرلەردىڭ ەرلىگىن ەرەكشە باعالاعان قازاقستاندىڭ كاسىپكەرلەر جيناپ بەرگەن. «مۇنداي جاعداي ەكىنشى رەت قايتالانباس ءۇشىن ءبىزدىڭ قازاقستانداعى دوستارىمىز گەنەراتورعا اقشا جيناپ بەردى. ەندى الداعى ۋاقىتتا ەلەكتر جارىعىنسىز وتەتىن وتالار بولمايدى دەپ ۇمىتتەنەمىن. مۇنداي جاعدايدا ءبىزدىڭ دارىگەرلەر كوپ ادامنىڭ ءومىرىن ساقتاۋعا مۇمكىندىك الادى»، - دەيدى ادىلەت ساتكەيەۆ.
ەسكە سالايىق، ەلەكتر جارىعىنسىز جۇرەككە جاسالعان وپەراتسيا تۋرالى جۇرتشىلىق عالامتور ارقىلى ءبىلدى. وپەراتسيا كەزىندە جارىقتىڭ ءوشىپ قالعانىنا ىزالانعان دارىگەرلەر بۇل جاعدايدى ۇيالى تەلەفوندارىنا ءتۇسىرىپ، عالامتورعا سالىپ جىبەرگەن. بۇل ىسكە قاتىستى قىزمەتتىك تەكسەرىس تە بولدى. ونىڭ قورىتىندىسى بويىنشا كلينيكا باسشىلارى كىنالى دەپ تانىلدى. سەبەبى - بۇل ەمحانادا توتەنشە جاعدايلارعا بايلانىستى قوسىمشا گەنەراتور ورناتىلماعان.
