07:33, 02 - جەلتوقسان 2014 | GMT +5
مۇحاممەد - بريتانيادا جاڭا تۋعان سابيلەرگە ەڭ كوپ قويىلعان ەسىم
استانا. قازاقپارات - «BabyCentre» پورتالىندا جۇرگىزىلگەن ساۋالناما قورىتىندىسى بويىنشا، ۇلى بريتانيادا جاڭا تۋعان بالالارعا مۇحاممەد ەسىمى ەڭ كوپ قويىلعان ات بولىپ شىقتى، دەپ جازادى بي-بي-سي.
مامانداردىڭ ايتۋىنشا، اراب ەسىمدەرىنىڭ انگليادا كوبەيۋى سوڭعى ءبىر جىلدا بايقالعان. وليۆەر ەڭ كوپ قويىلعان ەسىمدەر قاتارىندا ەكىنشى ورىنعا ءتۇسىپ قالعان. ءۇشىنشى ورىندا، - دجەك ەسىمى.
ال ومار، ءالي، يبراحيم «ەڭ تاڭداۋلى 100 ەسىم» قاتارىنا ءبىرىنشى رەت ەنگەن.
قىز بالالار اراسىندا ەڭ كوپ قويىلعان ات - سوفيا. ماماندار، ارابشا ماريام مەن نۇر ەسىمدەرىنىڭ دە كوبەيگەنىن ايتادى.
