قازاقستاندىق عالىمدار مۇناي ونىمدەرىنەن جاساندى قان شىعارۋعا نيەتتى
پروفەسسەر الەمدە مۇناي ونىمدەرىنەن جاساندى قان شىعارۋدىڭ بىرنەشە جولى بار ەكەنىن ايتادى. دەگەنمەن، جاساندى قان الۋ پروتسەسىندە قازاقستاندىق تەحنولوگيا قاراپايىم ءارى تازالىعىمەن ەرەكشەلىنەدى. قازاقستانعا جاساندى قان ونىمدەر تەك قىتايدان كەلەدى. كورۋلكيننىڭ ايتۋىنا قاراعاندا، شەت ەلدەردەن الىناتىن جاساندى قاننىڭ زيانى كوبىرەك. ونىڭ قۇرامىندا ادامدى ۋلايتىن ءتىپتى ەسىنەن تاندىرىپ جىبەرەتىن زياندى زاتتار كوپ.
نەگىزىنەن، جاساندى قاندى مەديتسينادا شۇعىل جاعدايدا عانا قولدانادى. جاساندى قان جاراقاتىنان نەمەسە وپەراتسيادان كەيىن كوپ قان جوعالتقان ادامدارعا قۇيىلادى. مۇنداي قان كادىمگى، قاراپايىم ادامنىڭ قانىنداي بولا المايدى. دەسەك تە، قيىن كەزەڭدەردە ول دونور تابىلعانشا ادامنىڭ ءومىرىن ۇزارتا الادى.
پروفەسسوردىڭ ايتۋىنا قاراعاندا، جاساندى قاندى ەلىمىزدە مۇناي وندىرەتىن زاۋىتتاردىڭ شيكىزاتتارىنان الۋعا بولادى. ونى شىعارۋدىڭ جولى دا قيىن ەمەس. قازاقستاندا جاساندى قاندى ارنايى زەرتتحانالاردا شىعارۋعا بولادى. ەگەر، الداعى ۋاقىتتا ەلىمىزدە جاساندى قان شىعارىلىپ جاتسا، وندا ول شەت ەلدەن كەلەتىن ونىمدەرگە قاراعاندا 3-4 ەسە ارزان بولادى.
