ۋكراينا پارلامەنتىنە كەلگەن سۇيكىمدى دەپۋتات قىز جۋرناليستەردى تاڭ قالدىردى
ول جاڭا سايلانعان رادادا جۇمىسقا شىققان ءبىرىنشى كۇنى-اق كوزگە ءتۇستى. دەپۋتات كيىم-كيىسىمەن جۇرتشىلىقتى وزىنە قاراتقان. ۋكراينانىڭ ت س ن تەلەارناسى حابارلاعانداي جاڭا سايلانعان رادا وتىرىسىنا كوشەليەۆا ءوزىنىڭ ەكى بىردەي قورعاۋشىسىمەن كەلگەن.
ۇستىنە ۇزىن قۇندىز تون، قولىنا التىنمەن قاپتالعان iPhone جانە باعاسى مىڭ دوللاردىڭ كولەمىندە تۇراتىن بىلعارى سومكە ۇستاعان. ب ا ق وكىلدەرىمەن دەپۋتات سويلەسۋدەن باس تارتىپ، كامەرادان قاشقاقتاعان.
ۋكراينانىڭ مەملەكەتتىگىنە قاتىستى جۋرناليستەر تاراپىنان قويىلعان ساۋالدارعا راديكالدى پارتيانىڭ مۇشەسى «بۇل ساۋالدارىڭىزعا كەلەسى جولى جاۋاپ بەرەمىن» دەپ قۇتىلعان.
ءوزىنىڭ ءومىربايانىندا كوشەليەۆا ەرىكتى جۇمىسسىز ەكەنىن كورسەتكەن. دەگەنمەن ونىڭ مۇنداي ەرىكتى جۇمىسسىز ەكەنى سايلاۋ كەزىندە كۇمان تۋدىردى. حاركوۆتا سايلاۋ بارىسىندا ناعىز ەرىكتى جۇمىسسىزدار بەلسەندى جۇمىس ىستەسە، كوشەليەۆا ەكى مارتە عانا توبە كورسەتكەن.
بۇل جايىندا 24 جاستاعى دەپۋتاتتىڭ الەۋمەتتىك جەلىلەردەگى جازبالارىنان اڭعارۋعا بولادى. ونىڭ ەرىكتى جۇمىسسىزدىق قابىلەتى 1- قىركۇيەك كۇنى ول تۋرالى تەلەباعدارلاما تۇسىرگەندە ءبىر جاريا ەتىلسە، بۇدان سوڭ 5- قىركۇيەك كۇنى سول سيۋجەتتى تەلەارنادان كورسەتكەندە بەلگىلى بولدى. ول كەزدە ول «راديكالدى پارتيا» تىزىمىنە ەنگەن بولاتىن.
قازىر دەپۋتات ءبىرقاتار سۋرەتتەرىن جەلىدەن الىپ تاستاعانىمەن، الەۋمەتتىك جەلىدەگى ونىڭ پاراقشالارى گلامۋرعا تولى.
سونداي-اق جۋرناليستەر عالامتور ارقىلى 24 جاستاعى كوشەليەۆانىڭ تۇيىندەمەسىن دە تاۋىپ الدى. ول ءوز تۇيىندەمەسىندە ەكى جوعارى ءبىلىمدى مەڭگەرگەنىن، ونىڭ ءبىرى حاركوۆ ۇلتتىق ۋنيۆەرسيتەتىنىڭ راديەلەكترونيكا جانە «كيبەرنەتيكا ەكونوميكا» ماماندىعى بولسا، ەكىنشىسى قۇرىلىس جانە ارحيتەكتۋرا ماماندىعى ەكەنىن كورسەتكەن. ونىڭ بۇل وقۋ ورىندارىن بىتىرگەننەن كەيىن حاركوۆتاعى قىمبات مەيرامحانالاردىڭ بىرىندە اكىمشى بولىپ جۇمىس ىستەگەنى دە ءمالىم بولىپ وتىر.
tengrinews.kz
