شاڭحايدا ق ر تۇڭعىش پرەزيدەنتى كۇنىنە وراي ستۋدەنتتىك ءىس-شارا ءوتتى - فوتو

بەيجىڭ- شاڭحاي. قازاقپارات - قازاقستان رەسپۋبليكاسى تۇڭعىش پرەزيدەنتى كۇنى قارساڭىندا شاڭحايدا «نۇرلى جول - بولاشاققا باستار جول» جانە ونى جۇزەگە اسىرۋداعى جاستاردىڭ ءرولى» تاقىرىبىندا ستۋدەنتتىك عىلىمي- پراكتيكالىق كونفەرەنسيا، سونداي- اق فلەشموب ءوتتى.

شارانى ق ر  ب ع م- ءنىڭ «حالىقارالىق باعدارلامالار ورتالىعى» ا ق- نىڭ ازيا مەن وكەانياداعى وكىلدىگى جانە شاڭحاي قالاسىنداعى «Kazakhstan students association in Shanghai» ستۋدەنتتىك ۇيىمى وتكىزدى.

 كونفەرەنسياعا شاڭحاي قالاسىندا ءبىلىم الىپ جاتقان 50 دەن استام قازاقستاندىق ستۋدەنت، سونىمەن بىرگە شاڭحايداعى ق ر باس كونسۋلدىعىنىڭ وكىلدەرى قاتىستى. ولار ەلباسى جولداۋىنىڭ نەگىزگى تەزيستەرىن تالقىلادى. سونىڭ ىشىندە ەلدىڭ كولىكتىك- لوگيستيكالىق، يندۋستريالدىق، ەنەرگەتيكالىق، تۇرعىن ءۇي، الەۋمەتتىك ينفراقۇرىلىمدىق سالالارىنىڭ دامۋى، الداعى ۋاقىتتاعى يندۋستريالاندىرۋ باعدارلاماسى، ش و ب- تى قولداۋ، سونداي- اق «ماڭگىلىك ەل» يدەياسى تۋرالى ءسوز قوزعالدى.

كونفەرەنسياعا قاتىسۋشىلاردىڭ ايتقان سوزدەرىنىڭ وزەكتى تۇستارىن سىزدەردىڭ نازارلارىڭىزعا ۇسىنىپ وتىرمىز.

رۋسلان ابدىرايەۆ، «بولاشاق» باعدارلاماسىنىڭ ستيپەندياتى، فۋدان ۋنيۆەرسيتەتىنىڭ ماگيسترانتى:

«مەنى ارەندالىق تۇرعىن ءۇي قۇرىلىسىنا ينۆەستيتسيا باعىتتالۋى جانە بۇل جوبانىڭ الداعى ۋاقىتتا جۇزەگە اسۋى قۋانتتى.  ج و و ارقىلى عىلىم مەن ەكونوميكا سالاسىندا بايلانىس ورناتۋ ماسەلەسى نازارىما ىلىكتى. ول ءۇشىن ءتيىستى ماتەريالدىق- تەحنيكالىق بازا جاسالدى. كوپتەگەن دامىعان ەلدەردە بۇل تاجىريبە قولدانىلۋدا جانە ءوز جەمىسىن بەرىپ وتىر.

 «نۇرلى جول» جاڭا ەكونوميكالىق ساياساتى قازاقستان حالقىنىڭ بىرلىك جانە كەلىسىم ءبازيسىن نىعايتا تۇسەدى. پرەزيدەنت جولداۋىندا الدا تۇرعان مىندەتتەر ايقىندالدى، ونى بىرىگىپ جۇزەگە اسىرا الامىز. بىزگە، جاستارعا وسىنداي ساتتە مۇمكىندىگىمىزدى كورسەتىپ، ءبىزدىڭ ءبىلىم الۋىمىزعا باعىتتالعان ينۆەستيتسيانى اقتاپ، وتانىمىزدى وركەندەتۋگە مۇمكىندىك تۋىپ وتىر. قولىمىزدان كەلگەنىمىزدى جاسايمىز» .

بارلىبايەۆا التىناي، شاڭحاي تەڭىز ىستەرى ۋنيۆەرسيتەتىنىڭ (Shanghai maritime university) ماگيسترانتى:

«تاۋەلسىز قازاقستاننىڭ بولاشاعى ءۇشىن جاۋاپتىمىز. بۇگىندە ءاربىر قازاقستاندىق وزىنە «وتانىم ءۇشىن مەن نە ىستەدىم؟ » دەگەن سۇراق قويۋى ءتيىس. ەگەر ازاماتتار وسى تۇرعىدا ويلاپ، ءىس- ارەكەتكە كوشىپ تالپىنسا، ەلىمىز داميدى دەپ سەنەمىن» .

كونفەرەنتسيادان كەيىن «Kazakhstan students association in Shanghai» قازاقستاندىق ستۋدەنتتەر ۇيىمىنىڭ بەلسەندىلەرى پاتريوتتىق فلەشموب وتكىزدى - 50 ستۋدەنت قاتارلاسا تۇرىپ، ۇلت كوشباسشىسىن جانە «نۇرلى جول» دەگەن سوزدەردى بەينەلەدى.

 ەسكە سالا كەتەيىك، ق ر- نان تىس جەرلەردە 50 مىڭنان استام قازاقستاندىق ستۋدەنتتەر ءبىلىم الۋدا، سونىڭ ىشىندە 11 مىڭ 200-گە تارتا ادام ق ح ر- دا (بەيجىڭدە - 4 مىڭعا جۋىق، ۇرىمجىدە - 1250، شاڭحايدا - 800، شياندا - 700، گۋاڭجوۋدا - 500، ۋحاندا - 400، نانجيڭدە، لانجوۋدا، حاربيندە - 150-دەن، شيڭداۋدا - 100 گە جۋىق، قۇلجادا - 150, شىحىزىدا - 100 گە تارتا، شيامەندە - 25 ادام) وقىپ ءجۇر. بۇل كورسەتكىش بويىنشا قىتاي رەسەيدەن كەيىن ەكىنشى ورىن الادى، وندا 28 مىڭ قازاقستاندىق ءبىلىم الۋدا.