ق ر ءى ءى م جانىنداعى قوعامدىق كەڭەستە سىبايلاس جەمقورلىقپەن كۇرەس ماسەلەسى تالقىلاندى

استانا. قازاقپارات - ق ر ىشكى ىستەر مينيسترلىگىندە قوعامدىق كەڭەستىڭ مۇشەلەرى - بەلگىلى قوعام قايراتكەرلەرىنىڭ، دەپۋتاتتىق كورپۋس، بۇقارالىق اقپارات قۇرالدارىنىڭ، ۇكىمەتتىك ەمەس جانە عىلىمي ۇيىمدار وكىلدەرىنىڭ، سونداي-اق ءى ءى م-ءنىڭ باسشى قۇرامىنىڭ قاتىسۋىمەن كەزەكتى وتىرىس بولىپ ءوتتى، دەپ حابارلادى ءى ءى م باسپا ءسوز قىزمەتىنەن.

كەڭەستە «نۇر وتان» پارتياسىنىڭ 2015-2025-جىلدارعا ارنالعان سىبايلاس جەمقورلىققا قارسى ءىس-قيمىل جونىندەگى باعدارلاماسىن ىسكە اسىرۋ شەڭبەرىندە ىشكى ىستەر ورگاندارىنداعى سىبايلاس جەمقورلىق قۇبىلىستارىن الدىن الۋ بويىنشا قابىلدانىپ جاتقان شارالار تۋرالى ماسەلە قارالدى.

سونىمەن قاتار وتىرىستا قوعامدىق كەڭەستىڭ 2015-جىلى الدا تۇرعان جۇمىسى جانە كەڭەس مۇشەلەرىنىڭ تۇراقتى جۇمىس كەزدەسۋلەرىن وتكىزۋ جونىندەگى ۇسىنىستار تالقىلاندى.

ءى ءى م قوعامدىق كەڭەسىنىڭ ءتوراعاسى مارات قوعاموۆ ىشكى ىستەر ورگاندارىنىڭ كۇندەلىكتى قىزمەتى جاريالى تۇردە جۇرگىزىلۋى جانە پوليتسيانىڭ ءاربىر قىزمەتكەرىنىڭ زاڭدىلىق نورمالارىن قاتاڭ ساقتاۋىنا نەگىزدەلۋى ءتيىس ەكەنىن اتاپ كورسەتتى. سوندىقتان ىشكى ىستەر ورگاندارى بولىنىستەرىنىڭ باسشىلارى وزدەرىنىڭ قاراماعىنداعى قىزمەتكەرلەردىڭ ۇستىنەن تۇسكەن ازاماتتاردىڭ شاعىمدارىن باستى نازارعا الۋى كەرەك.

كەڭەس وتىرىسىنىڭ قورىتىندىسى بويىنشا ىشكى ىستەر ورگاندارىنىڭ سىبايلاس جەمقورلىققا قارسى كۇرەس بويىنشا قوسىمشا شارالار قابىلداۋ، پوليتسيا قىزمەتكەرلەرىنىڭ اراسىندا قۇقىق بۇزۋشىلىقتاردى بولدىرماۋ جانە الدىن الۋ قاجەتتىلىگى اتاپ كورسەتىلدى.