ءانشى ايگۇل يمانبايەۆا نەگە ۇكىمەتكە الاقان جايدى؟
«ءبىزدىڭ اشقان تەاترىمىز حالىقتىڭ نازارىندا. وعان دالەل كوپتەگەن حالىقارالىق فەستيۆالدان جۇلدەلى ورىندارعا يە بولىپ جاتىرمىز. ءبىزدىڭ بەلگىلى ءبىر وتىرعان عيماراتىمىز جوق. ساحنالىق قويىلىمدارىمىز ايىنا ءبىر رەت قانا وينالادى. سول كەزدە ساحنانى جالعا الىپ وينايمىز. وسى تاراپتا ۇكىمەت تاراپىنان قولداۋ بولسا نۇر ۇستىنە نۇر بولار ەدى»، - دەيدى ايگۇل يمانبايەۆا.
بار بولعانى 15 ادامنان قۇرالعان جۇمىس توبى بار بۇل تەاتردىڭ ەندىگى ماقساتى دۋلات يسابەكوۆتىڭ «اپكە» قويىلىمىن ساحنالاۋ. سونداي-اق 2015-جىلى پولشادا وتەتىن الەم «مەدەيالارى» تەاترلار باس قوسۋىنا شاقىرۋ كەلگەنىن دە ايتىپ ءوتتى ءانشى.
قازاقستاندىق دراما تەاترلارىن سىناپ وتكەن ايگۇل تەاترلارعا ۇلكەن قوزعالىس كەرەك دەيدى.
- بۇگىنگى كۇنى ەلىمىزدە 53 تەاتر جۇمىس ىستەپ تۇر، ءار قايسىسىنىڭ ءوز ورىنى بار. ءبىراق تەاترلارعا قوزعالىس كەرەك. ءوزىنىڭ كرەسلوسى ءۇشىن وتىرا بەرگەننەن گورى جاستاردىڭ جۇمىس ىستەۋىنە مۇمكىندىك بەرۋى قاجەت. كەيدە ويلايمىن تەاتر ونەرىنە جان اشۋدان گورى ءوزىنىڭ كرەسلوسى ءۇشىن تاپجىلماي وتىر ما دەپ.
ۇكىمەت باعادى دەگەن باياعى كەڭەس زامانى كەتكەن. مىسالى، رەسەيلىك اكتەرلەر بىرنەشە جەردە قاتار جۇمىس ىستەيدى. بىزدەگىدەي 70 مىڭ تەڭگە ايلىقپەن ءبىر تەاتردا جۇرە بەرۋ دەگەن جوق، ءويتىپ جۇرسەڭ اشتان ءولىپ قالاسىڭ. وسى جاعىنان ءبىزدىڭ تەاترلار ءالى قالىڭ ۇيقىدا جاتىر، - دەيدى ول.
ءانشى حابارلاندىرۋى: 29 - قاراشادا استانا قالاسى «قازاقستان» ورتالىق كونسەرت زالىندا ايگۇل يمانبايەۆانىڭ «سەن عانا» اتتى كونسەرتى وتەدى. كونسەرتتى قولداۋشى استانا قالاسىنىڭ اكىمدىگى. ساحنادا Led ەكران ارقىلى، گرافيكالىق سۋرەتتەۋ ارقىلى ءانشىنىڭ ومىرگە كەلگەن كەزىنەن بۇگىنگى كۇنىنە دەيىنگى ءومىرى كينو تۇرىندە وربىمەك. كونسەرتتىڭ ەرەكشەلىگى جۇرگىزۋشى بولمايدى، ءانشى قوناق جوق. تەك وپەرا جۇلدىزى سۇندەت بايعوجين ەكەۋى يتاليان تىلىندەگى ءاندى دۋەت بولىپ ورىنداماق.
ايا ءومىرتاي
