قىتايدا ەسىرتكىمەن ۇستالعان اقجارقىن تۇرلىبايعا قاتىستى تەرگەۋ امالدارى اياقتالدى
بۇل تۋرالى قازاقپارات تىلشىسىنە اقجارقىننىڭ قازاقستانداعى قورعاۋشىسى سۇڭقار نۇرماعامبەتوۆ ايتتى.
قورعاۋشى اتالعان تەرگەۋ جۇمىستارىنىڭ نەگە سونشالىقتى ۇزاق مەرزىمگە سوزىلعانىن ءتۇسىندىردى.
«سوتقا بەرىلەر كەزدە ءىس ەكى رەت قايتا تەرگەۋگە جىبەرىلگەن ەكەن. مەنىڭ ويىمشا، بۇل حالىقارالىق تۇرعىدان داۋلى ءىس بولعاسىن سولاي بولدى. ءبىز ونىڭ كىناسى جوق ەكەنىن دالەلدەدىك. قيىندىق ق ح ر مەن ق ر زاڭناماسىنداعى تىلدىك بارەرلەردە دە بولدى. الايدا، ءبىز قولىمىزدان كەلگەندى جاساپ جاتىرمىز»، - دەدى سۇڭقار نۇرماعامبەتوۆ.
ونىڭ ايتۋىنشا، قازىر قورعاۋ تارابى ق ر س ءى م رەسمي حات باعىتتاعان. ازىرگە حاتتا نە جازىلعانى تەرگەۋ امالدارىن جاريالاماۋ ماقساتىندا ايتىلماي وتىر. قورعاۋشىلار تەك قانا ق ر س ءى م ەمەس، وزگە دە ورگاندارمەن قويان-قولتىق جۇمىس جاساپ جاتىر.
ەستەرىڭىزگە سالا كەتەيىك، قىتايعا شىققان العاشقى ساپارىندا 20 جاستاعى قازاقستاندىق بويجەتكەن اقجارقىن تۇرلىباي 3 - ناۋرىزدا گۋانجوۋ اۋەجايىندا ۇستالعان بولاتىن. ونىڭ سومكەسىنەن قىتاي پوليتسەيلەرى ەسىرتكى تاپتى.
سول ۋاقىتتان بەرى اقجارقىن قىتايداعى ۋاقىتشا تەرگەۋ يزولياتورىندا جاتىر. اناسى قىزىن بىرەۋلەر الداپ كەتكەنىن ايتادى.
اقجارقىننىڭ قۇقىعىن قىتايدا ەكى ادۆوكات، قازاقستاندا 1 ادۆوكات قورعاپ ءجۇر.
اۆتور: گۇلميرا عوسمانالي
