ورال اۋەجايىنىڭ قىسقى جاعدايداعى قىزمەتىنە قاۋىپ ءتونىپ تۇر
ونىڭ ايتۋىنشا، 1- قىركۇيەك-31- قازان ارالىعىندا اۋەجايدىڭ ۇشۋ-قونۋ جولاعىن قايتا قۇرۋ جوباسىنىڭ ءبىرىنشى كەزەڭى اياقتالىپ، 3- قاراشادان ۇشاقتاردىڭ ۇشا باستاعانى بەلگىلى. قازىرگى كەزدە ورال اۋەجايىنان استانا، اتىراۋ، اقتاۋ، الماتى قالالارىنا ۇشاقتار قاتىناۋدا.
الايدا 24- قاراشادا ورال اۋەجايىنىڭ ۇشۋ-قونۋ جولاعىن قايتا قۇرۋدىڭ جوباسىن جاساپ، ونىڭ جۇزەگە اسىرىلۋىن قاداعالايتىن «قازاەروجوبا» عىلىمي-زەرتتەۋ جوبالىق-ىزدەنۋشىلىك ينستيتۋتى» ا ق-ىنان حات كەلگەن. وندا ۇشۋ-قونۋ جولاعىنىڭ ءۇستىن قار مەن مۇزدان تازالايتىن رەاگەنتتەردى قولدانۋعا تىيىم سالاتىن تالاپتار قويىلعان. مۇنى ساقتاعان جاعدايدا ورال اۋەجايىنىڭ كۇزگى-قىسقى كەزەڭدە جۇمىس جاساۋىنا قاۋىپ تۋادى.
بۇل رەتتە ق ر ينۆەستيتسيالار جانە دامۋ مينيسترلىگى ازاماتتىق اۆياتسيا كوميتەتىنىڭ ۇستانىمى الاڭداۋشىلىق تۋعىزادى. ونىڭ قازىرگى باسشىسى ب. سەيداحمەتوۆ بۇرىن «قازاەروجوبا» عىلىمي-زەرتتەۋ جوبالىق-ىزدەنۋشىلىك ينستيتۋتى» ا ق- ىنا جەتەكشىلىك ەتكەن. ول سەمەنت-بەتون جابىنىنا اتالمىش رەاگەنتتەردى قولدانۋعا تىيىم سالىناتىنىن بىلە تۇرا، ۇشۋ-قونۋ جولاعىن سونداي ادىسپەن جاساۋعا جول بەرگەن. ءسويتىپ «قازاەروجوبا» مەكەمەسى مەن اتالمىش كوميتەت جوبالاۋ كەزىندە قاتەلىكتەرگە جول بەرىپ، بيۋجەت قارجىسىن ورىنسىز جۇمساعان.
ب ق و اكىمدىگى مەن «ورال» حالىقارالىق اۋەجايى» ج ش س وسى جىلعى ناۋرىز-ءساۋىر ايىنىڭ وزىندە سەمەنت-بەتون ەمەس، حيميالىق رەاگەنتتەرگە ءتوزىمدى اسفالتبەتونمەن جابۋ تۋرالى ەسكەرتكەن بولاتىن. ايتسە دە بۇل ۇسىنىس ەسەپكە الىنبادى.
«وسىلاردى ايتا كەلە، جاۋىن-شاشىن بولىپ، مۇز قاتقان جاعدايدا اتالمىش سەبەپتەرگە بايلانىستى رەاگەنتتەر قولدانىلمايدى. بۇل رەيستەردىڭ ۇزاق ۋاقىتقا كەشىگىپ، ۇشاقتاردىڭ ۇشپاۋىنا سوقتىرادى»، - دەدى م. شاكەنوۆ.
اۆتور: ەلجان ەرالى
