قازاقستاندىق ستۋدەنتتەر دۋبايدا ق ر تۇڭعىش پرەزيدەنتى كۇنىن اتاپ ءوتتى
شارا امىرلىكتە ەڭ كوپ قازاقستاندىق ستۋدەنتتەر وقىپ جاتقان (150 گە جۋىق) دۋبايداعى ۆوللونگونگ ۋنيۆەرسيتەتىندە ءوتتى. بۇل جەردە ستۋدەنتتەر ارنايى ستەند ازىرلەدى، وندا قازاقستان پرەزيدەنتى نۇرسۇلتان نازاربايەۆ جايلى اعىلشىن جانە اراب تىلدەرىندە جارىق كورگەن كىتاپتار قويىلدى.
العاشقى قۇتتىقتاۋ ءسوز قازاقستاننىڭ بىرىككەن اراب امىرلىگىندەگى ەلشىسى قايرات لاما شاريف پەن ۆوللونگونگ ۋنيۆەرسيتەتىنىڭ رەكتورى پروفەسسور موحاممەد سالەمگە بەرىلدى.
قازاق ۇلتتىق ونەر ۋنيۆەرسيتەتىنەن (استانا قالاسى) ارنايى شاقىرىلعان فولكلورلىق انسامبل قازاقستاندىق جانە شەتەلدىك ستۋدەنتتەردىڭ كوڭىلدەرىنەن شىقتى. قازاقستاندىقتار بىرنەشە ۇلتتىق مۋزىكالىق قويىلىمداردى تاماشالادى.
«قازاقپاراتتىڭ» تاياۋ شىعىستاعى ارنايى ءتىلشىسى ارنۇر راحىمبەكوۆ قازاقستاندىق ستۋدەنتتەرمەن ديدارلاسىپ قايتتى.
«ءبىزدىڭ پرەزيدەنتىمىز نۇرسۇلتان نازاربايەۆتىڭ باستاماسىمەن قۇرىلعان ۇلتتىق قوردىڭ ارقاسىندا ەلىمىز بۇگىندە الەمدىك ەكونوميكالىق داعدارىستى ەڭسەرە الادى. مەن ەلباسىنىڭ «نۇرلى جول - بولاشاققا باستار جول» جولداۋىن قولدايمىن، بۇندا بىزدەرگە - جاستارعا كوپ مۇمكىندىكتەر جاسالىپ وتىر. نۇرسۇلتان نازاربايەۆتىڭ سوزدەرى ەلدە وقىپ جاتقان جاستار ءۇشىن دە ، شەتەلدە ءبىلىپ الىپ جاتقاندار ءۇشىن دە ەلىمىزدىڭ ەكونوميكاسىن جاقسارتۋ ءۇشىن بارلىق كۇش-جىگەردى جۇمساۋ قاجەت ەكەندىگىن بىلدىرەتىن ۇندەۋ بولىپ تابىلادى»، - دەيدى ءابۋ-دابيدەگى نيۋ-يورك ۋنيۆەرسيتەتىنىڭ 2-كۋرس ستۋدەنتى اجار ەرجانوۆا.
