ساۋد ارابياسى مۇناي ءمينيسترى مۇناي ءوندىرىسىنىڭ كولەمىن تومەندەتپەۋ كەرەكتىگىن ايتتى
«وسىلاي دەپ ساۋد ارابياسى مۇناي ءمينيسترى ءالي يبن يبراگيم ءان- نۋايمي ۆەنادا ايتتى»، - دەپ حابارلايدى «Bloomberg» اگەنتتىگى.
ونىڭ ايتۋىنشا، مۇناي باعاسى ءوزى تۇراقتالادى. «نەگە ساۋد ارابياسى ءونىمىنىڭ كولەمىن ازايتۋى كەرەك؟ اقش- تا ءىرى ءوندىرۋشى بولا تۇرا، مۇناي اۋقىمىن ازايتۋعا مىندەتتى ەمەس»، - دەگەن مينيستر.
ايتا كەتەرلىگى، بۇگىن اۆستريادا مۇناي ەكسپورتتاۋشى ەلدەر ۇيىمىنىڭ سامميتى وتەدى. وسى جيىندى قارا التىندى ەكسپورتتاۋشى مەملەكەتتەر تاعاتسىزدانا كۇتىپ وتىر. ويتكەنى ءۇش ايدان بەرى تومەنگە قۇلدىراپ بارا جاتقان مۇناي باعاسىنىڭ تاعدىرى ءدال وسى جيىندا شەشىلەدى. دەگەنمەن ۇيىمنىڭ ىشىندە ورتاق پىكىر جوق. ءبىرقاتار ەلدەر، ونىڭ ىشىندە ۆەنەسۋەلا، مۇناي قۇنى جوعارى بولۋ كەرەك دەپ سانايدى. ال كۋۆەيت پەن امىرلىكتەر بۇعان قارسى. ساۋد ارابياسى بولسا، ءالى ءوزىنىڭ ناقتى ۇستانىمىن بىلدىرگەن جوق.
«استانا» ارناسى
