ق ر ۇلتتىق ەكونوميكا ءمينيسترى وتاندىق تاۋار وندىرۋشىلەردىڭ ەكسپورتتىق جولدارىن دامىتۋعا قانشا قارجى بولىنەتىنىن ايتتى
مينيستر وتاندىق تاۋار وندىرۋشىلەرىنىڭ ەكسپورتتىق جولدارىن جانە ەلدىڭ ترانزيتىن باتىس باعىتتا دامىتۋ ماقساتىندا ماڭعىستاۋ وبلىسىنداعى «بورجاقتى- ەرساي» تەمىرجول جەلىسىنىڭ جانە قۇرىق پورتىندا كەمەجاي كەشەنىن سالۋ بويىنشا جوبالار ىسكە اسىرىلاتىنىن اتاپ ءوتتى.
«بورجاقتى- ەرساي» تەمىرجول جەلىسىنىڭ قۇرىلىسى ءۇشىن ۇلتتىق قوردان 2015 - جىلى 6,7 ميلليارد تەڭگە، قۇرىق پورتىندا كەمەجاي كەشەنىنىڭ قۇرىلىسىنا 2015 - جىلى - 4,8 ميلليارد تەڭگە، 2016 - جىلى - 7 ميلليارد تەڭگە بولىنەتىن بولادى»، - دەدى مينيستر.
ونىڭ ايتۋىنشا، بۇل جوبالاردى ىسكە اسىرۋ جونەلتۋ ايلاقتارىندا جۇكتەردى تەڭىزبەن تاسىمالداۋدىڭ وزىندىك قۇنىن ەداۋىر ازايتۋعا جانە قۇرىق كەمەجاي كەشەنىنە تەمىرجول قۇرامدارىن كەدەرگىسىز اكەلۋگە جاعداي تۋعىزباق.
«ناتيجەسىندە، قازاقستاندا ەكى تولىققاندى تەڭىز ايلاعى پايدا بولادى. 2020 - جىلعا دەيىن كاسپي تەڭىزى ايلاقتارى ارقىلى اۋدارىلاتىن جۇكتەردىڭ جالپى كولەمى 25 ميلليون توننانى قۇرايتىن بولادى، ونىڭ ىشىندە قۇرىق كەشەنى جىلىنا 4 ميلليون توننا كولەمىندەگى جۇكتى اۋدارۋدى قامتاماسىز ەتەتىن بولادى»، - دەدى ول.
مينيستر سولتۇستىك- وڭتۇستىك باعىتى بويىنشا تاسىمالداۋ پروتسەسىنىڭ تيىمدىلىگىن ارتتىرۋ ءۇشىن قۇنى 39 ميلليارد تەڭگە شاماسىنداعى شۋ- الماتى ۋچاسكەسىندە تۇتاس ەكىنشى تەمىرجولداردىڭ قۇرىلىسىن ەلەكترلەندىرە وتىرىپ جۇزەگە اسىرۋ كوزدەلىپ وتىرعانىن ايتتى.
«وسى جوبانى ىسكە اسىرۋ ءۇشىن ۇلتتىق قوردان 2015 - جىلى 8,3 ميلليارد تەڭگە، 2016 - جىلى 19,4 ميلليارد تەڭگە بولىنەتىن بولادى. جوبانىڭ قالعان بولىگى «ق ت ج» ۇ ك» ا ق- نىڭ ءوز قاراجاتى ەسەبىنەن قارجىلاندىرىلاتىن بولادى. جوبانى ىسكە اسىرۋ جۇكتەردى وتكىزۋ قابىلەتىن جىلىنا 30 ميلليون توننادان 120 ميلليون تونناعا دەيىن ارتتىرۋعا مۇمكىندىك بەرەدى. وسى ۋچاسكەدەگى پويىزداردىڭ جول ءجۇرۋ ۋاقىتى شامامەن 2 ەسەگە ازايادى» ، - دەدى مينيستر.
جالپى كولىكتىك- لوگيستيكالىق جوبالار بويىنشا قۇرىلىس كەزەڭىندە ۋاقىتشا قۇرىلاتىن جۇمىس ورىندارىنىڭ سانى 2,5 مىڭنان استام جانە پايدالانۋ ۋاقىتىندا 700 تۇراقتى جۇمىس ورنى اشىلاتىن بولادى.
اۆتور: گۇلميرا عوسمانالي
