قويشىلار پاريجدەگى ەيفەل مۇناراسىن «قوي قوراعا» اينالدىردى

استانا. قازاقپارات - فرانسيا فەرمەرلەرى قويلارىن پاريجدەگى ەيفەل مۇناراسىنىڭ اينالاسىنا جايىپ، ۇكىمەتتىڭ ەكولوگيالىق ساياساتىنا نارازىلىقتارىن بىلدىرگەن.

 بۇل تۋرالى Bnews.kz سايتى حابارلايدى.

 فەرمەرلەر ءۇي جانۋارلارىنا شاپقان قاسقىرلارمەن كۇرەستى كۇشەيتىپ، قىرىلعان قويعا تولەنەتىن وتەماقى مولشەرىن ۇلعايتۋدى تالاپ ەتكەن. جەرگىلىكتى Le Parisien باسىلىمىنىڭ حابارلاۋىنشا، ونداعان فەرمەر ەيفەل مۇناراسىنىڭ اينالاسىنا 200 گە جۋىق قوي ايداپ اكەلىپ، ۇكىمەتتىڭ نازارىن قوعامدا قوردالانعان ماسەلەگە اۋدارعان. ولارمەن جاعالاسىپ، جىرتقىشتاردى قورعاۋ ۇيىمىنىڭ بەلسەندىلەرى دە جينالعان.

الايدا ۇكىمەت باسشىلارى ءۇي جانۋارلارىنا تولەنەتىن وتەماقى مەن قاسقىرلارعا قارسى قولدانىلىپ وتىرعان شارانىڭ كوڭىل كونشىتەرلىكتەي ەكەنىن ايتىپ، ارتىق شارا قولدانباي وتىر. Sud Ouest باسىلىمى 2013 -جىلى  6800 ءىرى قارا مەن ۇساق مال قاسقىرلاردىڭ قۇربانىنا اينالعانىن جازادى. ياعني بۇل -  2009 -جىلمەن سالىستىرعاندا، 2 ەسەگە ارتىق دەگەن ءسوز. ال بيىلعى جىلدىڭ العاشقى 9 ايىندا جىرتقىشتار 6500 ءۇي جانۋارىن جارىپ كەتكەن.

 1930- جىلى فرانسيا ۇكىمەتى ەلدەگى ءتۇز تاعىلارىن تۇگەلدەي قىرىپ، جانۋارلار الەمىندەگى تەپە- تەڭدىك كۇرت بۇزىلعان بولاتىن. اراعا 60 جىل سالىپ، يتاليادان اۋعان بورىلەردىڭ ارقاسىندا فاۋناداعى رەتسىزدىكتەر بىرتە- بىرتە قالپىنا كەلە باستادى. قازىر فرانسيادا قاسقىردىڭ 300 گە تارتا ءتۇرى مەكەن ەتەدى، ۇكىمەت ولاردى تولىعىمەن ءوز قورعاۋىنا العان.