ريم پاپاسى كەشىرىم سۇرادى

استانا. قازاقپارات - يسپانيانىڭ گرانادا پروۆينسياسىندا پەدوفيلياعا (ادام زورلاۋعا) قاتىسى بار دەگەن كۇدىكپەن ءۇش ءدىني قىزمەتكەر جانە شىركەۋدە قىزمەت اتقارعان تاعى ءبىر ميريانين سوتتالدى.

داۋعا بايلانىستى گرانادا ارحيەپيسكوپى وتكەن اپتادا ءبىرقاتار كاتوليك ءدىني قىزمەتكەرىن اتاعىنان ايىرعان ەدى.

وسى جىلدىڭ جازىندا 24 جاستاعى جىگىت بالا كەزىندە گرانادا شىركەۋلەرىنىڭ بىرىندە دىنگە قىزمەت ەتىپ جۇرگەن كەزىندە ءدىني قىزمەتكەردىڭ زورلىعىنا تاپ بولعانى تۋرالى ريم پاپاسىنىڭ اتىنا حات جازعان. وسى حاتتان كەيىن پوليتسيا جاپپاي شىركەۋلەردە پەدوفيلدەردى انىقتاۋ وپەراتسياسىنا كىرىستى.

گرانادا شىركەۋ قىزمەتكەرلەرىنىڭ قۇربانىنان حات العان ريم پاپاسى فرانتسيسك جىگىتكە ءوزى حابارلاسىپ، كاتوليك شىركەۋىنىڭ اتىنان كەشىرىم سۇرادى. بۇل تۋرالى مالىمەتتى يسپاندىق Religion Digital ءدىني ينتەرنەت پورتالى ورنالاستىردى.

ءدىني قىزمەتكەرلەردىڭ تۇتقىندالۋىنا قاتىستى تۇسىنىكتەمە بەرگەن يسپانيا ىشكى ىستەر ءمينيسترى حورحە فەرناندەس دياس: "شىركەۋ ءوز قاتارىنداعى پەدوفيليانى ءتۇپ-تامىرىمەن جويۋ ءۇشىن بارىن سالۋدا. ءبىز بۇل قۇبىلىستىڭ تەك شىركەۋ قاتارىندا عانا ەمەس، الەم بويىنشا كوزى جويىلادى دەپ سەنەمىز"، - دەپ ءمالىم ەتتى.

Nur.kz