الماتى وبلىسىندا الاياق ايەل «ويىنشىق» اقشامەن ءبىر تابىن مالدى ولجامالاق بولعان
ولار مامىلەنى كورشى اۋىلدىڭ ماڭىنداعى جايىلىمداردىڭ بىرىندە جاساعان. اۋىل تۇرعىنىنىڭ ويىنا ساتىپ الۋشىنىڭ بۋما-بۋما 1000, 5000, 10000 تەڭگەلىك اقشاسى جالعان بولىپ شىعادى دەگەن ەش كۇدىك كەلمەگەن.
كەيىننەن ول بانكنوتتاردا كەز كەلگەن بازاردا ەركىن ساتىلا بەرەتىن بالالاردىڭ «ويىنشىق» اقشاسى ەكەنىن بايقايدى. ءتىپتى ءار «اقشادا» «اقشالاي قاراجاتقا جاتپايدى» دەگەن ءىرى ارىپپەن جازىلعان ەسكەرتپە جازبا دا بار ەكەن.
كۇدىكتىنىڭ ىزىنە تۇسكەن پوليتسيا ونى الماتى قالاسىنا جەتىپ قالعان ساتىندە ۇستادى. ءتارتىپ ساقشىلارى ۇرلانعان مالدى تاۋىپ، تولىقتاي زاڭدى يەسىنە قايتاردى.
الاياقتىق فاكتىسى بويىنشا قىلمىستىق ءىس قوزعالدى، دالەلدى ايعاق رەتىندە «سۋۆەنير» اقشالار الىندى. قازىرگى ۋاقىتتا قىزىلوردا وبلىسىنىڭ 1984 - جىلعى تۋماسى رايىمبەك اۋداندىق ءى ءى ب- گە قاماۋعا الىندى.
