قازاق ونەرىنىڭ ساڭلاقتارى: گاۋھار مىرزابەكوۆا
1980 -جىلى ماسكەۋ كونسەرۆاتورياسىن (پروفەسسورلار د. ف. ويستراح پەن و. ۆ. كرىسانىڭ سكريپكا كلاسى بويىنشا) بىتىرگەن. 1986 - جىلدان جامبىل اتىنداعى قازاقتىڭ مەملەكەتتىك فيلورمونياسىنىڭ ءسوليسى.
گاۋھاردىڭ جەتى جاسىندا اكە- شەشەسى ونى بىردەن كۇلاش بايسەيىتوۆا اتىنداعى دارىندا بالالار مەكتەبىنە وقۋعا تاپسىردى. گاۋھاردى سكريپكادان شىققان ءۇن ەلىكتىرە ءتۇستى. العاش رەت ساحناعا گاۋھار ەكىنشى سىنىپتا شىقتى. تۇيمەدەي كەلگەن ول ءوزىن تىڭدارماندار الدىندا باتىل ۇستادى. سول جىلى احمەت جۇبانوۆتىڭ «اريا» اتتى ءانىن ورىندادى. گاۋھار التىنشى سىنىبىندا تولىق كونسەرتتى اتقارا الدى، ال ون ءبىرىنشى سىنىپتا تيمۋر مىڭبايەۆتىڭ باسقارۋىمەن قازاق مەملەكەتتىك سيمفونياسىنىڭ وركەسترىمەن بىرگە سيبيلۋستىڭ شىعارماسىن ورىنداپ، بۇكىل وداقتىق كونسەرتكە قاتىستى. بۇل جولى گاۋھار سكريپكادا شەبەر ورىنداۋشىلىعىمەن كوزگە ءىلىندى.
ونىڭ ونىنشى سىنىپتا وقىپ جۇرگەنىندە سپيۆاكوۆتىڭ ۇستازى يۋري يانكەليەۆيچ وقۋدى ماسكەۋدەگى مۋزىكا مەكتەبىندە جالعاستىرۋعا شاقىردى. ءبىراق گاۋھار سۇيىكتى ۇستازى نينا ميحايلوۆنادان ايىرىلعىسى كەلمەدى، مەكتەپتى الماتىدا ءبىتىرۋدى ماقسات ەتتى. ۇستاز ن. م. پاترۋشيەۆا گاۋھاردى مەكتەپ- ارالىق، قالاارالىق، رەسپۋبليكالىق فەستيۆالدەرگە قاتىستىردى. ول گاۋھار مۋزىكا مەكتەبىن بىتىرگەن سوڭ ماسكەۋدەگى پ. ي. چايكوۆسكي اتىنداعى كونسەرۆاتوريادا ۇستاز، اتىشۋلى سكريپكاشى داۆيد ويستراحتىڭ كلاسىنا ەرتىپ اكەلدى دە، ودان گاۋھاردىڭ سكريپكادا قالاي وينايتىندىعىن تىڭداپ كورۋىن ءوتىندى. وسىلايشا 1974 - جىلى كونسەرۆاتورياعا ۇزدىك باعامەن قابىلداندى. ءبىراق تا قاراشا ايىندا داۆيد ويستراح قايتىس بولدى. ءارى قاراي ۇستازدىقتى ونىڭ شاكىرتى، اسسيستەنتى ولەگ كرىسا جالعاستىردى.
گاۋھار كونسەرۆاتوريادا وقىپ جۇرگەنىندە سۆياتوسلاۆ ريحتەرمەن ونىڭ انسامبلىندە سكريپكادا وينادى، ەكى جىل بويى ونىمەن بىرگە شەتەلدەردە گاسترولدىك ساپارلارعا شىعىپ ءجۇردى.
گاۋھار قۇرمانبەك قىزى كونسەرۆاتوريانى قىزىل ديپلوممەن اياقتاعان سوڭ، سوندا 1982 - جىلدارى اسسيسەنتۋرادا و. ۆ. كرىسانىڭ كلاسىندا ورىنداۋشىلىق شەبەرلىگىن ودان ءارى قاراي شىڭدادى. سونىمەن قاتار قالا فيلارمونياسىنىڭ سكريپكا ءسوليسى قىزمەتىن اتقاردى. الماتى كونسەرۆاتورياسىنىڭ رەكتورى عازيزا جۇبانوۆادان: «ەلىڭە ورال»، - دەگەن جەدەل حات العاننان كەيىن وسى ۇجىمعا كەلىپ ۇستازدىق قىزمەتىنە كىرىستى. ول جۇمىسقا قىزۋ ارالاستى، شاكىرتتەرگە سكريپكادان ساباق بەرۋ ۇنادى. سول تۇستا ءجانيا اۋباكىروۆامەن بىرىگىپ، حالىقارالىق فەستيۆالدەرگە جانە كونكۋرستارعا قاتىستى. مۇنداي ءىس- ارەكەتتەردى ول ستۋدەنتتىك شاعىندا-اق قازاقستان قالالارىندا گاسترولدىك ساپارلارمەن ونەرىن تانىستىرا باستادى.
1985 - جىلى گاۋھار جانە ءجانيا پاريجدە وتكەن كامەرالىق وركەستر جارىسىنا قاتىسقانىندا ەكەۋى دە ەكىنشى ورىنعا يە بولدى. كامەرالىق وركەستردى 1997 - جىلدىڭ قىركۇيەك ايىندا ۇيىمداستىردى. «كامەراتا» ۇجىمىنىڭ سانداعان كونسەرتتەرىندە موتسارت، شەستاكوۆيچ، پاحەلبەل، گايدن، گەندەل سەكىلدى مۋزىكا تارلاندارىنىڭ كۇردەلى شىعارمالارىمەن قاتار كرەيسلەردىڭ «ماحاببات مەحناتى» تىڭدارمانداردى جوعارى رۋحانيلىققا جەتەلەدى. «كامەراتا» ۇجىمىنىڭ سانداعان كونسەرتتەرىندە موتسارت، شەستاكوۆيچ، پاحەلبەل، گايدن، گەندەل سەكىلدى مۋزىكا تارلاندارىنىڭ كۇردەلى شىعارمالارىمەن قاتار كرەيسلەردىڭ «ماحاببات مەحناتى» تىڭدارمانداردى جوعارى رۋحانيلىققا جەتەلەدى.
