نازاربايەۆتىڭ مەكتەپ بىتىرگەندەگى ساباق ۇلگەرىمى كورسەتىلدى - فوتو

استانا. قازاقپارات - ەلباسىنىڭ بالالىق شاعىنا ساياحات.

بالالار ءۇيىنىڭ تاربيەلەنۋشىلەرى تۇڭعىش پرەزيدەنت كۇنى قارساڭىندا نۇرسۇلتان نازاربايەۆ ءبىلىم العان اباي اتىنداعى مەكتەپتە بولدى.

جەتكىنشەكتەر وندا ەلباسىنىڭ ءومىربايانى تۋرالى جاڭا دەرەكتەر مەن ءتۇرلى قىزىقتى ماعلۇماتتاردى ءبىلىپ قايتتى.

ەلباسى ءبىلىم العان بۇل مەكتەپ ءقازىر مۇراجايعا اينالعان. مۇندا نازاربايەۆتىڭ مەكتەپ كەزىندە جانە وتباسىمەن بىرگە تۇسكەن سۋرەتتەرى مەن ءتۇرلى بۇيىمدار ساقتالعان. ماسەلەن، مىنا سۋرەتتە كىشكەنتاي نۇرسۇلتان وتباسىمەن بىرگە تۇر.

وسى كەزدە ول ءبىرىنشى سىنىپقا بارعان ەكەن. بولاشاق پرەزيدەنت ساباقتى جاقسى وقۋمەن قاتار دومبىرا، بايان، ماندولين سياقتى اسپاپتاردى دا تارتا بىلگەن. دەسە دە، ەلباسى جايىندا بىلمەككە كەلگەن جەتكىنشەكتەردى نازاربايەۆتىڭ مەكتەپ بىتىرگەندەگى تابەلى كوبىرەك قىزىقتىردى. وندا كىلەڭ بەستىكتىڭ اراسىندا ورىس ءتىلى مەن ادەبيەتىنەن جالعىز 4 دەگەن باعا تۇر. وسىنداي ەكسكۋرسيا ەلباسىنىڭ قولداۋىمەن بوي كوتەرگەن ۋنيۆەرسيتەتتە اياقتالدى. مۇندا ارنايى بۇرىش اشىلدى.

ەركىن ىسرايىلوۆ، قاراساي اۋداندىق ءبىلىم بەرۋ قورىنىڭ اتقارۋشى ديرەكتورى:

- بۇل ۇسىنىس وسى سۇلەيمان دەميرەل ۋنيۆەرسيتەتىنىڭ جاستارىنان ءتۇستى. ءبىزدىڭ قور ونى قولداپ، وسى شاراعا بايلانىستى ءبىراز سىيلىعىمىزدى بەردىك. كىتاپتار، ەلباسى جايىندا جانە پروفەسسورلىق مانتيا.

ktk