قازاقستان بانكتەرى قور بيرجاسىندا كوپتەپ دوللار ساتىپ جاتىر
اپتا باسىنان بەرى قور بيرجاسىندا دوللار ساتىلىمى كۇرت ارتقان. 24-26- قاراشا ارالىعىندا 1,3 ميللياردتان استام دوللار ساتىلعان. نەگىزگى اۋقىمدى كولەم 24- قاراشاعا تيەسىلى، بۇل كۇنى شامامەن 1 ميلليارد دوللار (800 ميلليوننان استام) ساتىلعان.
«اسىل ينۆەست» ساراپتاما كومپانياسى دەپارتامەنتىنىڭ ديرەكتورى ايبار بايكەنوۆتىڭ سوزىنە قاراعاندا، قازاقستاندىق بانكتەر بۇل ۆاليۋتا ءتۇرىن ءوز تۇتىنۋشىلارىنىڭ تەڭگەسىن ايىرباستاۋدا ساتقان.
«وسى اپتادا سالىق الىمى ءجۇرىپ جاتىر، بۇل سونىمەن بايلانىستى بولۋى كەرەك. قازىر ەكسپورتشىلارعا تەڭگە كەرەك، ال ولاردىڭ بارلىق تابىسى دوللاردا بولادى. سالىقتى تەڭگەمەن تولەۋى ءتيىس بولعاندىقتان ولار وسى دوللار تۇرىندەگى تابىسىن تەڭگەگە ايىرباستاۋ قاجەت. سوندىقتان ولار بانكتەن ونى تەڭگەگە ايىرباستاۋدى سۇراپ جاتقان بولۋى مۇمكىن» دەيدى ول.
بايكەنوۆ قازىر دوللارعا اسا سۇرانىس بولماي تۇرعانىن، كەرىسىنشە دوللاردى تەڭگەگە ايىرباستاۋ قاجەتتىلىگى ارتقانىن ايتادى. «دوللاردى تەڭگەگە ايىرباستاۋ ءجۇرىپ جاتىر. بۇل قانداي دا ءبىر ديەۆالۆاتسيا بولىپ قالۋ كۇدىگىن تۋدىرمايتىن جايت. قازاقستاندىق بانكتەر بۇرىنعىداي دوللار ساتىپ المايدى، كەرىسىنشە دوللاردى ساتىپ، تەڭگە ساتىپ الىپ جاتىر» دەيدى ول. ساراپشى دوللاردى نارىققا قاتىسۋشى ءىرى سۋبەكتىلەر ساتىپ الىپ جاتقان بولۋى مۇمكىن دەپ بولجايدى. «پوتەنتسيالدى ساتىپ الۋشى ۇلتتىق بانك بولۋى دا ىقتيمال» دەيدى ول.
