تارازدا بوكستان ەل چەمپيوناتى باستالدى

استانا. قازاقپارات - بۇگىن تاراز قالاسىندا بوكستان قازاقستان چەمپيوناتى باستالدى. ەل بىرىنشىلىگىندە استانا جانە الماتى قالالارىنان بولەك 14 وبلىستان 194 بوكسشى باق سىنايدى، دەپ حابارلادى sportnews.kz.

تۋرنيرگە استانا، الماتى قالاسى، اقمولا، وڭتۇستىك قازاقستان، جامبىل وبلىستارىنان 15 بوكسشى قاتىسادى. سونداي-اق، قاراعاندى وبلىسىنان - 13، قىزىلوردا، شىعىس قازاقستان جانە ماڭعىستاۋ وبلىستارىنان - 12، پاۆلودار وبلىسىنان - 11، اقتوبە، اتىراۋ، قوستاناي وبلىستارىنان - 10، ال، باتىس قازاقستان مەن سولتۇستىك قازاقستان وبلىستارىنان 6 بىلعارى قولعاپ شەبەرلەرى جۇدىرىقتاساتىن بولادى.

ەل بىرىنشىلىگىنە 18 جاستان جوعارى بوكسشىلار قاتىسا الادى. چەمپيونات قورىتىندىسى بويىنشا ەڭ ۇزدىك دەپ تانىلعان بوكسشىلار قازاقستان ۇلتتىق قۇراماسىنىڭ مۇشەسى اتانادى.

تۋرنير كەستەسى:

27-30- قاراشا - ىرىكتەۋ جەكپە-جەكتەر.

1- جەلتوقسان - شيرەك فينال؛

3- جەلتوقسان - جارتىلاي فينال؛

4- جەلتوقستان - فينال.