بەرليندە ەلباسى نۇرسۇلتان نازاربايەۆتىڭ ءومىرباياندىق كىتابىنىڭ تۇساۋكەسەرى ءوتتى
بۇل كىتاپتى ن. ءا. نازاربايەۆتىڭ ءومىرى مەن قىزمەتىن رەسمي تاريحي- عۇمىرنامالىق زەرتتەۋدىڭ العاشقى تاجىريبەسى دەۋگە بولادى. مۇندا ونىڭ قاراپايىم اۋىلداعى جاسوسپىرىم كەزىنەن باستاپ، ۇلت كوشباسشىسىنا دەيىنگى ءومىر جولى باياندالادى.
باسىلىمدا باستى نازار ن. ءا. نازاربايەۆتىڭ ساياسي ءومىربايانىنا اۋدارىلعان، ول قازاقستاننىڭХХ-ХХІ عاسىرلار ارالىعىنداعى دامۋى كەزىندە بولىپ وتكەن درامالىق جانە ادەتتەن تىس وقيعالار مەن پروتسەستەردىڭ اياسىندا بەرىلگەن.
اۋقىمدى مۇراعات ماتەريالدارىنىڭ نەگىزىندە ازىرلەنگەن ءومىربايان قازاقستاننىڭ ەڭ بەرتىنگى تاريحى بويىنشا ەلەۋلى قۇجاتتاما كوزى بولىپ تابىلادى. كىتاپتا فوتوسۋرەتپەن بەزەندىرۋدىڭ باي ماتەريالدارىمەن بىرگە، جەكە قۇجاتتاردىڭ تۇپ نۇسقالارىمەن تەڭدەس كوشىرمەلەرى العاش رەت ۇسىنىلادى. ال مۇنىڭ ءوزى وقىرماننىڭ سۋرەتتەلەتىن وقيعالار اۋانىنا تولىعىراق قانىعۋىنا سەپتىگىن تيگىزەدى.
بۇل باسىلىمعا ونىڭ اۆتورى قازاقستان رەسپۋبليكاسى پرەزيدەنتى كەڭسەسىنىڭ باستىعى، ساياسي عىلىمدار دوكتورى، پروفەسسور ماحمۇت قاسىمبەكوۆ ەكەنى تۋرالى دەرەك ەرەكشە قۇندىلىق بەرەدى، ول كوپ جىلدار بويى مەملەكەت باسشىسىنىڭ تىكەلەي قاراماعىندا قىزمەت اتقارىپ، پرەزيدەنتتىك ينستيتۋتتى زەرتتەۋمەن كاسىبي تۇرعىدا اينالىسىپ كەلەدى.
ونىڭ عىلىمي جانە شىعارماشىلىق قورىندا پرەزيدەنتتىك ينستيتۋتقا، ن. ءا. نازاربايەۆتىڭ ساياسي قىزمەتىنە ارنالعان عىلىمي مونوگرافيالار، وقۋ قۇرالدارى، كوپ تومدىق باسىلىمدار، پۋبليتسيستيكالىق جيناقتار، كوپتەگەن ماقالالار بار.
قازاقستان پرەزيدەنتى تۋرالى عۇمىرنامالىق كىتاپتىڭ 2012-جىلى جارىق كورگەن ساتىنەن باستاپ، تەك وتانىمىزدا عانا ەمەس، شەت ەلدەردە دە قىزىعۋشىلىق تۋدىرۋى كەزدەيسوق ەمەس. قىسقا مەرزىم ىشىندە ول ورىس، اعىلشىن، اراب جانە ۆەنگر تىلدەرىنە اۋدارىلىپ، جارىق كوردى.
كىتاپتىڭ ۆەنگر تىلىندەگى نۇسقاسى قازاقستان رەسپۋبليكاسىنىڭ گەرمانياداعى ەلشىلىگىنىڭ قولداۋىمەن جارىق كوردى. ونىڭ بەرلين-براندەنبۋرگ عىلىم اكادەمياسىنىڭ عيماراتىندا وتكەن تۇساۋكەسەرىنە نەمىس تاراپىنان گەرمانيانىڭ كورنەكتى مەملەكەت قايراتكەرى، گ ف ر-ءدىڭ بۇرىنعى ۆيتسە-كانتسلەرى - سىرتقى ىستەر ءمينيسترى بولعان حانس- ديتريح گەنشەر، بۋندەستاگ دەپۋتاتى، «گەرمانيا - ورتالىق ازيا» پارلامەنتتىك توبىنىڭ ءتوراعاسى، قازاقستان - گەرمانيا قوعامىنىڭ ءتوراعاسى مانفرەد گرۋند، بەرلين- براندەنبۋرگ عىلىم اكادەمياسىنىڭ پرەزيدەنتى گيۋنتەر شتوك، بەلگىلى نەمىس ساياساتتانۋشىسى الەكساندر رار، سونداي-اق عالىمدار، ساراپشىلار، قازاقستاننان قونىس اۋدارعان نەمىستەر اقساقالدار كەڭەسىنىڭ مۇشەلەرى، گەرمانياداعى قازاق دياسپوراسىنىڭ وكىلدەرى، جۋرناليستەر مەن ستۋدەنتتەر قاتىستى.
قازاقستان تاراپىنان كىتاپتىڭ اۆتورى ماحمۇت قاسىمبەكوۆ، ق ر-نىڭ گەرمانياداعى ەلشىسى بولات ءنۇسىپوۆ، ق ر پارلامەنتى ءماجىلىسىنىڭ دەپۋتاتى الدان سمايىل، ق ر پرەزيدەنتى كەڭسەسى باستىعىنىڭ ورىنباسارى باقىتجان تەمىربولات، قازاقستان جازۋشىلار وداعىنىڭ مۇشەسى نەسىپبەك ايت ۇلى قاتىستى.
كەزدەسۋ جىلى ءارى سەنىمدى پىكىر الىسۋ جاعدايىندا ءوتتى. تانىستىرىلىمعا قاتىسۋشىلار قازاقستان باسشىسى تۋرالى نەمىس تىلىندە جارىق كورگەن كىتاپ ەكى ەلدىڭ جاقىنداسا ءتۇسۋى ورايىنداعى تاعى ءبىر ناقتى قادام دەگەن ورتاق پىكىردە بولدى.
