قازاقستان ەۋروپا مەن ازيا اراسىنداعى سەنىمدى كوپىرگە اينالا الادى

استانا. قازاقپارات - «حورۆاتيا-قازاقستان» دوستىق ۇيىمىنىڭ ءتوراعاسى، زاگرەب مەرىنىڭ كەڭەسشىسى داۆور شتەرننىڭ ايتۋىنشا، قازاقستان ەۋروپا مەن ازيا اراسىنداعى بەرىك كوپىرگە اينالا الادى.

«ىسكەر ادام رەتىندە، قازاقستاننىڭ «جاڭا ەكونوميكالىق ساياساتىنىڭ» جالپى العاندا بيزنەس پەن ەكونوميكانىڭ دامۋىنا باعىتتالۋىن ۇناتىپ وتىرمىن. مەنىڭ ويىمشا، «نۇرلى جول» باعدارلاماسىندا ەل ەكونوميكاسىنىڭ بارلىق سالالارى، جانە ەڭ باستىسى - ەكونوميكانىڭ قوزعاۋشىلارى بولىپ تابىلاتىن كولىك پەن لوگيستيكا، ەنەرگەتيكا، ونەركاسىپ سالالارى قامتىلعان. ەڭ باستىسى - ءاربىر ەكونوميكانىڭ قانتامىرلار جۇيەسى بولىپ كەلەتىن قارجىعا كوپ كوڭىل بولىنگەن.

ۇلتتىق قوردان «جاڭا ەكونوميكالىق ساياسات» اياسىندا بولىنگەن قارجىنى دۇرىس ءارى ۇقىپتى ۇلەستىرۋ جاعدايىندا قازاقستان الەمدىك ەكونوميكانىڭ مويىندالعان ەلى جانە ەۋروپا مەن ازيا اراسىنداعى بەرىك كوپىرگە اينالا الادى»، - دەپ ەسەپتەيدى د. شتەرن.