05:56, 27 - قاراشا 2014 | GMT +6
قىتايدا ءۇش بىردەي كولىك سوققان ادام امان قالدى - كەسكىن
استانا. قازاقپارات - قىتايدىڭ قالاسىندا 3 كولىكتىڭ استىنا تۇسكەن ەر ادام امان قالدى. ورتا جاستاعى جاياۋ جۇرگىنشىنىڭ كولىك قوزعالىسى قاتتى جولدى كەسىپ وتپەك بولعان كەزى قاداعالاۋ بەينەكامەرالارىنا ءتۇسىپ قالعان.
الدىمەن ونى ءبىرىنشى اۆتوماشينا كەلىپ سوعادى، كوزدى اشىپ جۇمعانشا ەكىنشى كولىكتىڭ سوققىسى بايقالادى. كومەككە كەلگەن كۋاگەرلەر سول جولاقتا ءوتىپ بارا جاتقان تاعى ءبىر كولىكتى توقتاتپاقشى بولادى.
الايدا شۇعىل توقتاعاندىقتان الگى كولىك ارتىنداعى تەمىر تۇلپارعا سوقتىعىسىپ، ەكى رەت وڭباي سوققى العان ادامدى تاعى ءبىر رەت باسىپ كەتكەن. ءبىر تاڭ قالارلىعى، وسىنشاما سوققىدان كەيىن زارداپ شەگۋشىنىڭ 6 قابىرعاسى مەن سول اياعى سىنعان. دارىگەرلەر ونىڭ ومىرىنە قاۋىپ ءتونىپ تۇرعان جوق دەپ وتىر.
www.24.kz
