ەلىمىزدە قىمىز ءوندىرۋدىڭ عىلىمي ورتالىعى اشىلادى
عىلىمي- تاجىريبەلىك كونفەرەنسيادا جىلقى شارۋاشىلىعىن دامىتۋ جولدارى، قىمىز ءوندىرۋ مەن وڭدەۋ ءىسىن عىلىمي باعىتتا وركەندەتۋ ماسەلەسى تالقىلاندى. سونداي- اق جاڭا تەحنولوگيا بويىنشا اشىتقى جاساۋدىڭ جاڭا ادىستەرىن تابۋ، قىمىزدى جىل بويى تۇتىناتىن جاعدايعا جەتكىزۋ كەرەكتىگى ايتىلدى.
دەلەگاتتارعا بىلتىر تارازدا اشىلعان زاۋىتتىڭ ءونىمى ۇسىنىلدى. سونداي- اق بەلگىلى يپپولوگ- عالىم كەڭەسحان دۇيسەمبايەۆتىڭ عىلىمي زەرتتەۋلەرى نەگىزىندە تۇركيادا جاسالعان جاڭا قۇرىلعى تانىستىرىلدى.
مارات قالياسقاروۆ، قازاق ۇلتتىق اگرارلىق ۋنيۆەرسيتەتتىڭ عىلىمي جۇمىستار تۋرالى جانە ينتەگراتسيا جونىندەگى پرورەكتورى
- ءبىزدىڭ بولاشاق ءبىتىرىپ شىعاتىن ماماندار سول قىمىزدىڭ - ءبىزدىڭ ءتول تاعامىمىزدى ءار قاراي وندىرىستە دامىتۋعا، كەڭەيتۋگە جانە ونىڭ ساپالى شىعۋىنا، ودان كەيىن تەحنولوگيانى وندىرىسكە ەنگىزىپ، مىنا قازىرگى تاعام قاۋىپسىزدىگىنە بايلانىستى باسقا تۇرلەرىنىڭ ارالاسىپ كەتپەۋىنە، تازالىعىنا كوڭىل اۋدارۋعا بىردەن- ءبىر مۇددەلىمىز.
«حابار» ارناسى
