قازاقستان رەسەيگە ەلەكتر ەنەرگياسىن جىبەرۋدى توقتاتتى
«ەلەكتر ەنەرگياسىن جەتكىزۋ ماسەلەسىنە كەلەر بولساق، قازىرگى جاعداي بويىنشا ءبىز 24- قاراشادان باستاپ رۋبلدىڭ قۇنسىزدانۋىنا بايلانىستى رەسەيگە ەلەكتر ەنەرگياسىن جىبەرۋدى دوعاردىق. ياعني ءبىزدىڭ ستانسالارىمىز ءۇشىن رەسەيگە ەنەرگيا ساتۋ ءتيىمسىز بولىپ قالدى. جانە بۇل نارىقتى جوعالتۋىمىز ءبىرشاما اۋىر سوعىپ وتىر»، - دەپ اتاپ ءوتتى ول جۋرناليستەردىڭ سۇراقتارىنا جاۋاپ بەرۋ كەزىندە.
ونىڭ تۇسىندىرۋىنشە، ر ف-نا كومىر ساتۋ دا بىلتىردان باستاپ 2014-جىلدىڭ جارتىسىنا دەيىن جاسالعان كەلىسسوزدەر بويىنشا ىشكى نارىقتاعى باعادان قىمبات باعاعا شىعارىلىپ كەلگەن. ال بۇگىندە بۇل كەلىسىم ەكى تاراپقا دا ءتيىمسىز بولىپ قالدى.
«ءبىزدىڭ كومپانيا باعانى قالىپتاستىرۋدا ۇلكەن پروبلەمالارعا ۇشىراپ وتىر. ولاردا نەگىزگى ەكى سەبەپ بار. ءبىرىنشىسى - رۋبلدىڭ قۇنسىزدانۋى، ەكىنشىسى - رەسەي ەكونوميكاسىنىڭ ءبىزدىڭ كومىردى قىمباتىراق باعاعا الا المايتىندىعى»، - دەيدى ا. ساتقاليەۆ.
ونىڭ ايتۋىنشا، بۇعان دەيىنگى رەسەيمەن جاسالعان بارلىق كەلىسىم-شارتتار رۋبلدە كورسەتىلگەن.
اۆتور: ءابۋ-اسقار مەكەش ۇلى
