رەسەيدە ىزدەستىرىلىپ جۇرگەن ۇرى الماتى وبلىسىندا قولعا ءتۇستى

تالدىقورعان. قازاقپارات - الماتى وبلىسى پوليتسياسىنىڭ قىزمەتكەرلەرى جەدەل ىزدەستىرۋ شارالارى بارىسىندا رەسەي ءى ءى م-ىمەن فەدەرالدىق ىزدەستىرۋدە جۇرگەن 27 جاستاعى ەر ادامدى قولعا ءتۇسىردى.

وبلىستىڭ ءى ءى د-ىندە حابارلاعانداي، ر ف قۇقىق قورعاۋشىلارى ۇرلىقپەن اينالىسقان قاشقىندى ءۇش جىل بويى ىزدەستىرگەن. رەسەي ازاماتى ءبىزدىڭ ەلدىڭ اۋماعىندا دا پاتەرگە ءتۇسىپ، ارام ءىسىن جالعاستىرعان.

ول بار بولعانى بىرنەشە ساعات ىشىندە الماتى وبلىسىنىڭ سارقاند جانە الاكول اۋداندارىنداعى ەكى بىردەي پاتەردىڭ دۇنيە-مۇلكىن قولدى ەتىپ ۇلگەرگەن. پوليتسيا باۋكەسپەنى تالدىقورعان قالاسىنان ۇستادى.

قازىرگى ساتتە ءتارتىپ ساقشىلارى زاتتاي ايعاقتاردى تاركىلەپ، ونى ق ر ق ك «ۇرلىق» 175-بابى 2-بولىگى بويىنشا قوزعالعان قىلمىستىق ءىس ماتەريالدارىنا قوستى. كۇدىكتى ەكى فاكتىنى دە راستايتىن دالەلدى ايعاقتار بەردى. سونمەن بىرگە ونىڭ سىبايلاستارى بار ەكەنى انىقتالدى. بۇگىندە ولاردىڭ ءبىرى قولعا ءتۇستى.