17:22, 26 - قاراشا 2014 | GMT +6
مىسىر ءمينيسترى قازاقستانعا كەلەدى
استانا. قازاقپارات - مىسىر اراب رەسپۋبليكاسىنىڭ ءدىن ىستەرى ءمينيسترى مۇحتار دجۋماا قازاقستانعا كەلەدى. بۇل تۋرالى قازاقپارات تىلشىسىنە ق ر-داعى مىسىر ەلشىلىگىنەن حابارلادى.
«26- قاراشادا م. دجۋماانىڭ الماتى اكىمى احمەتجان ەسىموۆپەن جانە قازاقستاننىڭ باس ءمۇفتيى ەرجان مايامەروۆپەن كەزدەسۋى وتەدى. 27- قاراشادا استانادا م. دجۋماا ق ر مادەنيەت جانە سپورت ءمينيسترى ارىستانبەك مۇحامەدي ۇلىمەن جانە ق ر ءبىلىم جانە عىلىم ءمينيسترى اسلان سارىنجىپوۆپەن كەزدەسەدى»، - دەپ حابارلادى ق ر-داعى مار ەلشىلىگىنىڭ قىزمەتكەرلەرى.
بۇدان باسقا، م. دجۋماانىڭ «نۇر-مۇباراك» ۋنيۆەرسيتەتىنىڭ ستۋدەنتتەرى مەن وقىتۋشىلارىنا ءدارىس وقۋى جوسپارلانۋدا.
