قىرعىز سومى قۇنسىزدانادى
قاراشانىڭ ورتا شەنىندەگى جاعدايعا سۇيەنسەك، جىلدىڭ باسىنان جينالىپ قالعان قۇنسىزدىق 8,4 پايىزدى قۇراپ وتىر. سونىمەن قاتار سىرتقى ساۋدا وپەراتسيالارى قىسقارىپ، وتاندىق تاۋارلاردى ەكسپورتتاۋ جولدارى جابىلۋدا. بۇعان قوسا ەڭبەك ەتۋشى ميگرانتتاردىڭ اقشا اۋدارىمدارى ايتارلىقتاي ازايعان. اتالعان ماسەلەلەر ەل ۆاليۋتاسىنىڭ قۇنسىزدىعىنا اكەلىپ وتىرعان بىردەن-ءبىر سەبەپكەر. ناتيجەسىندە ۇلتتىق بانك ەسەپتىك مولشەرلەمەنىڭ پايىزىن كوتەرۋگە ءماجبۇر. تەك وسى شەشىم سومنىڭ قۇندىلىعىن كوتەرەدى دەۋدە.
نۇربەك جەنيش، قىرعىزستان ۇلتتىق بانكى ءتوراعاسىنىڭ ورىنباسارى:
- ءبىزدىڭ بولجام بويىنشا، 2014-جىلدىڭ اياعىنا دەيىن سومنىڭ باعاسى قۇنسىزدانا تۇسەدى. بۇل مونەتارلىق ىقپالدان تىس بولادى. مىسالعا، تاريفتەردىڭ كوتەرىلۋى، ەلىمىزدەگى اۋىلشارۋاشىلىق كورسەتكىشىنىڭ كۇرت تومەندەۋى وسىنىڭ ءبارى اسەر ەتەتىن بولادى.
«حابار»
