قازاقستان مەن رەسەيدە كاپيتاليزم جوق - ساراپشى
2013-جىلدىڭ ناتيجەلەرىنە سايكەس، رەسەيدە 400 ءىرى كاسىپورىن 10 پايىزعا ىلگەرى جىلجىعانىن انىقتاعان، ادەتتە بۇل كورسەتكىش جالعان بولعان كۇندە دە 25-30 پايىزدى قۇرايتىن، دەمەك 2013-جىلى كومپانيالار «ءبىر ورىندا تۇردى» جانە بەيبىتشىلىكپەن وتكەن 2013-جىلى قىرىم دا بولعان جوق، مۇنايدىڭ باعاسى دا تۇسكەن جوق»، - دەدى باعدارلاما قوناعى.
«ماسەلە ەكونوميكالىق ءوسىمنىڭ تەجەلۋىندە، مەنىڭ ويىمشا، ينۆەستيتسياعا دەگەن ىنتا جەتكىلىكسىز بولىپ تۇر. ارتىق ايتقاندىق ەمەس، رەسەي مەن قازاقستانداعى سوتسياليزم باياعىدا جويىلعان، ال كاپيتاليزم ءالى دە جوق»، - دەپ ەسەپتەيدى دميتري گريشانكوۆ.
«ەكسپەرت ر ا» رەيتينگ اگەنتتىگىنىڭ باس ديرەكتورى دميتري گريشانكوۆتىڭ پىكىرىنشە، مەملەكەت داعدارىس كەزىندە ينۆەستيتسيالىق تالاپتى كەڭەيتىپ، بۇل سالاعا بولىنەتىن قارجىنى ۇلعايتۋى ءتيىس.
«بۇل اسىرەسە ءىرى ينفراقۇرىلىمدىق جوبالارعا، اۆتوموبيل جانە تەمىرجولداردىڭ قۇرىلىسىنا جۇمسالادى، ءبىراق بۇلايشا مەحانيزمنىڭ ءجۇرىسىن رەتتەي المايمىز. تىزبەدە مەردىگەر كومپانيالار تۇرۋى كەرەك، ءبىراق بىزدە ولاي ەمەس. وكىنىشكە قاراي، قازاقستاندىق ەكونوميكا رەسەي ەكونوميكانىڭ كەبىن كيىپ، ءىرى كومپانيالار ناتۋرالدى شارۋاشىلىق قۇرىپ العان، ياعني بارلىعىن وزدەرى عانا ىستەگىلەرى كەلەدى»، - دەيدى باعدارلاما قوناعى.
دميتري گريشانكوۆتىڭ ايتۋىنشا، 2018-جىلعا قاراي جۇمىسپەن قامتۋدى 1,5 ەسەگە ۇلعايتۋ ءۇشىن ج ءى و-ءنىڭ 30 پايىزىن ينۆەستيتسياعا سالۋ قاجەت. بۇگىنگى تاڭدا بۇل كورسەتكىش 21-22 پايىزدى قۇرايدى. رەسەي ەكونوميكاسىنىڭ ءوسىمى مەن ەڭ باستى تەندەنتسيالارى جونىندە تولىعىراق بىلگىلەرىڭىز كەلسە، «ەكسپەرت ر ا» رەيتينگ اگەنتتىگىنىڭ باس ديرەكتورى دميرتي گريشانكوۆتىڭ سۇحباتىن بۇگىن 20:30 دا س ت ۆ تەلەارناسىنان جاننات ەرتىلەسوۆانىڭ «پروفەسسيونالنىي رازگوۆور» باعدارلاماسىنان كورىڭىزدەر.
