ولجاس سۇلەيمەنوۆ: ادەبيەت - بۇل مادەنيەتتىڭ نەگىزى
جۋرناليستەرگە سۇحبات بەرگەن ولجاس سۇلەيمەنوۆ ءوز سوزىندە ق ر جازۋشىلار وداعىنىڭ ءتوراعاسى نۇرلان ورازاليننىڭ قازاقستان جازۋشىلار وداعىنىڭ 80 جىلدىعىندا ايتقان: «ەگەر ءبىز ادەبيەتتى جوعالتساق، ءبىز ۇلتتى ساقتاپ قالا المايمىز» دەگەن ءسوزىن تىلگە تيەك ەتتى جانە «ءدال ايتىلعان»، - دەپ باعا بەردى.
«بۇل قازاق ادەبيەتى مەن ۇلتىنا عانا قاتىستى ەمەس، ەۋرازيالىق كەڭىستىكتەگى ءار ۇلتقا قاتىستى. حالقىنىڭ تاعدىرىن ويلاعان جازۋشىلاردىڭ دابىل قاعۋى تەگىن ەمەس. ويتكەنى، ادەبيەت - بۇل مادەنيەتتىڭ نەگىزى»، - دەپ ءوز پىكىرىن قوستى اقىن.
ەسكە سالا كەتەيىك، ر ف- داعى ق ر ەلشىلىگىنىڭ باستاماسىمەن «ليتەراتۋرنايا گازەتانىڭ» مۇرىندىق بولۋىمەن ماسكەۋدە قازاقستان مەن رەسەيدىڭ شىعارماشىلىق زيالى قاۋىمى باس قوستى. وعان قازاقستاننان ولجاس سۇلەيمەنوۆ، نۇرلان ورازالين، تولەن ابدىكوۆ، باقىتجان قاناپيانوۆ، ۇلىقبەك ەسداۋلەت، روللان سەيسەنبايەۆ، الىبەك اسقاروۆ سىندى بەلگىلى جازۋشىلار مەن زيالى قاۋىمىنىڭ وكىلدەرى قاتىستى.
ال جيىنعا رەسەيلىك تاراپتان يۋريي پولياكوۆ، نيكولاي اناستاسيەۆ، ليەۆ اننينسكيي، ۆلاديمير ليچۋتين سىندى بەلگىلى ادەبيەتشىلەر كەلدى.
