پۋتين سەرىك سۇلتانعابيەۆكە رەسەي باتىرى اتاعىن بەردى
- دەپ حابارلايدى URA. Ru.
ەسكە سالا كەتەيىك، قازاقستاندا تۋعان ازامات، لەسنوي قالاسى اسكەري ءبولىمىنىڭ كومانديرى سەرىك سۇلتانعابيەۆ وقۋ- جاتتىعۋ كەزىندە ءوز كەۋدەسىن گراناتاعا توسىپ، كىشى سەرجانتتىڭ ءومىرىن قۇتقارىپ قالعان بولاتىن.
وفيسەردى قۇتتىقتاۋ ءۇشىن ماسكەۋدەگى رەسەي ىشكى اسكەرى گوسپيتالىنە ءى ءى م ىشكى اسكەرىنىڭ باس قولباسشىسى ۆيكتور زولوتوۆ بارعان. سونداي- اق، 42 جاستاعى سەرىك سۇلتانعابيەۆتىڭ كوڭىلىن سۇرۋعا سۆەردلوۆ وبلىسىنىڭ گۋبەرناتورى ەۆگەني كۋيۆاشيەۆانىڭ تاپسىرىسىمەن سۆەردلوۆ وبلىسىنىڭ ادام قۇقىقتارى جونىندەگى ۋاكىلى تاتيانا مەرزلياكوۆا دا كەلدى. ول باتىردى مەملەكەتتىك سىيلىق العانىمەن قۇتتىقتاپ، وبلىس باسشىنىڭ اتىنان قول ساعات سىيلادى.
ايتا كەتەيىك، سەرىك سۇلتانعابيەۆ ەرلىگى ءۇشىن وردەنى مەن «سپەشيتە دەلات دوبرو» دەپ اتالاتىن مەدالعا دا ۇسىنىلدى. قازىرگى تاڭدا پولكوۆنيكتىڭ بەتى بەرى قاراعان. دارىگەرلەردىڭ ايتۋىنشا، اسكەريدىڭ جاعدايى قالپىنا ءتۇسىپ، دەنساۋلىعى دۇرىستالىپ كەلەدى.
ەسكە سالا كەتەيىك، سۇلتانعابيەۆ 25 - قىركۇيەكتە ەرلىك جاساعان ەدى. اسكەري گراناتا اتقىلاۋ كەزىندە كىشى سەرجانت قولىنان گراناتاسىن ءتۇسىرىپ الدى. سول ساتتە سەرىك سۇلتانعابيەۆ ونى يتەرىپ جىبەرىپ، گراناتانى كەۋدەسىمەن بۇركەمەلەپ، جارىقشاقتان اۋىر جاراقاتتاندى. ال، كىشى سەرجانت زارداپ شەككەن جوق. تەرگەۋشىلەر وعان قاتىستى «توڭىرەكتەگىلەرگە اسا جوعارى قاۋىپ تۋعىزاتىن قارۋ- جاراقتار مەن زاتتاردى ۇستاۋ ەرەجەسىن بۇزۋ» بابى بويىنشا قىلمىستىق ءىس قوزعادى. ول باپ بويىنشا ەڭ جوعارى جازا - اسكەري قىزمەتتەن شەتتەتۋ نەمەسە تارتىپتىك اسكەري بولىمگە ەكى جىلعا قاماۋ.
kaz.tengrinews.kz
