قازاقستان ۇيىمعا مۇشە بولۋعا شاق تۇر - دۇنيەجۇزىلىك ساۋدا ۇيىمىنىڭ باسشىسى روبەرتو ازيەۆەدو

استانا. قازاقپارات- دۇنيەجۇزىلىك ساۋدا ۇيىمىنىڭ (د س ۇ) باسشىسى روبەرتو ازيەۆەدونىڭ ايتۋىنشا، قازىر ۇيىمعا مۇشە 160 مەملەكەتتىڭ اراسىندا د س ۇ- 10 ەلدى، ونىڭ ىشىندە قازاقستان مەن اۋعانستاندى كىرگىزۋ ماسەلەسى بەلسەندى تالقىلانىپ جاتىر.

Reuters اگەنتتىگى سىلتەمە جاساعان د س ۇ ەسەبىندە روبەرتو ازيەۆەدو استانامەن كەلىسسوزدەر قازىر اياقتالۋعا جاقىن قالعانىن، الدىن- الا شەشىم كەلەسى جىلدىڭ باسىندا شىعاتىنىن ايتقان.

ازيەۆەدونىڭ سوزىنشە، قازاقستاننان كەيىن اۋعانستاننىڭ د س ۇ- عا كىرۋ جايى شەشىلىپ قالۋى مۇمكىن. ءبىراق، ناۋرىز ايىندا دايىندالعان كەلىسىم جوباسى ءالى تولىقتىرىلماعان جانە ول كەلىسىمگە قول قويۋ تۋرالى كەلىسسوزدەردى كەيىنگە قالدىرعان كابۋلدىڭ ۇسىنىسىنا قاراپ تۇر.

د س ۇ- عا كىرەتىن مەملەكەت تاريفتەردىڭ تومەندەتىلۋىنە جانە زاڭنامالارىن يمپورتەر مەن ەكسپورتەردىڭ قۇقىقتارى ساقتالاتىنداي ەتىپ ۇيىم ەرەجەلەرىنە سايكەس وزگەرتۋگە كەلىسۋى ءتيىس.

«ازاتتىق»