09:49, 26 - قاراشا 2014 | GMT +6
الىپ جىلان قازىعۇرت تۇرعىندارىن شوشىتتى - فوتو
استانا .قازاقپارات - قازىعۇرت پەن شىمكەنتتى بايلانىستىراتىن تاسجولدى سالۋ كەزىندە قۇرىلىسشىلار قۇلاتىلعان اعاش دىڭگەگىنە وراتىلعان الىپ جىلاندى كەزدەستىرگەن. بۇل تۋرالى NUR. KZ سايتى جازدى.
جەرگىلىكتى تۇرعىنداردىڭ سوزىنشە، بۇل جىلاننىڭ اۋىلدىقتارعا ەش زيانى جوق جانە بىرنەشە جىلدان بەرى وسى توڭىرەكتى پانا ەتىپ ءجۇر ەكەن. سۋرەتتە كورسەتىلگەندەي، جىلاننىڭ جۋاندىعى تراكتور دوڭعالاقتارىنان كەم ەمەس. سۋرەتكە تۇسىرگەن ادامنىڭ دا جاقىنداعانى بايقالادى. الىپ جىلان بولسا، ەش قارسىلىقسىز بەيقام جاتىر. بۇل فوتو الەۋمەتتىك جەلىلەرگە تارالعالى قىزۋ تالقىعا ءتۇستى. ال قازىعۇرتتىقتار ايتىلعان ايماقتا مۇنداي جىلانداردىڭ ءتۇرلىسىن كەزدەستىرۋگە بولاتىنىن ايتادى.
